أنا احبكم وايد ومبي أتعبكم عشان جذي أدور لكم أطباقي السهله واساعدكم على الهياته
المقادير:
لحم مقطع قطع متوسطه
بصل مقطع بالطول (كثري منه هو السر في الطبخه)
بطاطس مقطعه شرائح سميكه
ليمون أسود تاخذين اللب وبعد كثـــــــــــري منه
فلفل أسود وكركم
صبار هندي منقوع في نصف كوب ماء
الطريقه:
– تغسلين اللحم زين وبعدين حطيه فى المصفاه
– تخلطين كل المقادير السابقه مع اللحم
– تحطينه في جدر وتغطينه كلش مع الأمنيوم ما تخلين له ولا نفس وتطبخينه على نار هادئه جداً لمدة ساعة
الى ساعة ونصف
– تقدمينه مع رز مطبوخ مع بصل محمر مع شوي كركم حق اللون وتقدرين تحطين بيض مسلوق
خوش طبخة
وش هالفن 
اسفرت وانورت ..
ترى الريحة هي اللي جابتني للموضوع ! 
يعطيك العاااااااافية
والله وشهيتيني خاصة اني الى هالحزة وجايعة
لك وش هو الصبار الهندي وطعمه هل هو حامض ترى ما اعرف الا تمر هندي 
واعتقد ان اليمون الاسود هو الومي عندنا يعني اليمون الميبس صح او انا غلطانة
وتسلمين على هالطبخة مبين اني لو سويتها الحين بقوم الجيران من النوم لاني عز الليل الله يستر 
تسلم الأياااادي..
الله يعطيك العافية..
باين عليها لذيذه …
بس عندي استفسار بسيط ..
(( صبار هندي منقوع في نصف كوب ماء ))
1 * اين يباع عند العطار ؟؟؟؟؟
2 * وكيف شكله ؟؟؟؟؟؟
3 * وإذا نقعته استخدم الماء المنقوع فيه او ارميه ؟؟؟؟؟؟
واعتذر عن الإزعاج …
