انا بقالي كتير مش عارفه ارد على موضوعاتكم ولا اكتب اي حاجه عشان الجهاز عندي كان تعبان شوية
المهم : انا امبارح رحت عملت شعري فرد بالحنة الهندي اللي الكل بيتكلم عنها وده طبعا بعد شهرين بحث عن افضل شيء وبعد استخارات لا حصر لها :
عملتها امبارح والبنت قالتلي خليها 24 ساعو وبعدين اغسليها انا عملتها الساعه 8 مساءا وهغسلها الساعه 8 مساءا بردو بس المشكله انها ناشفة زى الحجر ومش عارفه اغسلها ازاي خايفة تشيل شعري معاها
ياريت اللي جربتها تقوللي غسلتها ازاي ؟؟؟؟؟؟؟؟؟؟
بس ياريت قبل الساعه 8 مساءا
وانا بعد ما اغسلها هقولكم على النتجه مباشرة … تابعوني بإذن الله .
وجزاكم الله عني كل خير
منــــــــــــــــــــــــــــــــــــــار
انا الحمد لله غسلتها هي تعبتني شوية بس اللون والله تحفة اسود غامق ولامع والشعر اتفرد بنسبة 70 % بس يمكن الشعر هايش شويه من اخرة بس البنت اللى عملتلي شعري اديتنى زيت اخضر اسمة زيت الحنة وقالتلي ادهينة بعد الحمام والفرق هيبان بعد اسبوع . ( ان الله مع الصابرين )
تابعوني
منــــــــــــــــــــار
لأني انا قبل10سنوات تقريبا استخدمت حنة تخلي الشعر اسود وسايح بس لما يطلع من جديد يرجع لطبيعته لكن للأسف شعري بعد فترة بدأ يتساقط بكثرة وخصوصا من قدام وحرمت استخدمها بعد كذا
وبعد خلطات وخلطات شعري من قدام صار اكثف شويه لكن مو زي قبل ما احط الحنة
وان شاء الله اللي استخدمتيها ما تطلع نفس حقتي
انا روحت لواحدة كتير حكولي عنها هنا في مصر هي اللى جابتها و عملتهالي وكمان وانا عندها لقيتها عملاها لنفسها ولو فيها ضرر مش هتعملها لنفسها وكمان لصديقتها وصديقتها هى اللى طمنتني لانها جاية تعملها تانى وقالتلى انها ما تقدرش تستغنى عن الحنة دى ،
وبصراحة انا كنت خايفة جدااااااااااا وعملت سيرش كتير على النت واستخارت وروحتلها والحمد لله هذا ما اراد الله ولكن عن النتائج فأنا لسه مكملتش اسبوعين ولو حسيت بضرر هقولكم ما تستخدموهاش
وكمان لقيت البنت اللى عملتهالى منتقبة ومش بتعملها غير للمحجبات بس لان زى ما انت عارفه ان في مصر يوجد بنات مش محجبات وكمان في نصارى . وده طمنى انها بتخاف الله واكيد مش هتأذي حد
بس النتيجة بتبان من تالت مرة وبتفردوا خالص وبيبقى جميل جدا
ولا بيعمل تساقط ولا اى حاجة