اللي تعرف طريقه عمل المكرونه بالطريقه الصينيه (اللي فيها ربيان وقطع دجاج وقطع لحم ) تعطيني الطريقه بأسرع وقت ممكن
في اكثر من طريقة واكثر من نوع نودلر عند الصينين
انا بعملها بنودلر بيكون لونه اصفر و شوي ثخين
اولا بتجيبي شويه زنجبيل و شويه ثوم بتدقيهم و بتقليهم بعدين بتضيفي الدجاج المقطع ضغير والربيان المنظف و يتخليهم يتقلبوا منيح لحد ما تقرب تنشف الماي بعدين بتضيفي الفطر الطازج المقطع و ال baby corn او الذره الكامله الصغيره و في خضراوات صينيه انا بحطها مثل bean sprout وهاي بالعربي اسمها براعم الفاصرليا , وبحط water chestnut وهاي عباره عن كستناء مائيه منقوعه بماء و بحطلها يا عزيزتي bamboo shot وكل هذول بتلاقيهم في قسم المعلبات ولو سألتي عنهم سها تلاقيهم بعدين بتحطي oester souse او اللي هو صلصه المحار و بتضيفي عليهم النودلز بدون ما تحطي ماي و بتحركيهم كلهم مع بعض والنودلز بيستوي من المرقه و اخر شي بعد ما تطفي بتحطي صويا سوص و صحتين والف هنا…
ما تنسي تزينيهم بالبصل الاخضر المفروم]
تحياتي
والله ما فهمت طبختك ياريت وضحي اكثر
كل المكونات اللي قلتلكم عنها موجوده بالمعلبات بالسوربرماركت يعني مثلا البيبي كورن موجود جنب الذره الحب العاديه و يكون شكلها مثل اكواز الذره العاديه بس على حجم صغييير كتير
bean sprout هي براعم الفاصوليا و كمان ممكن تلاقيها طازجه مع الخضره بيكون شكلها مثل الخيوط كل وحده بطوا الاصبع تقريبا
bamboo shot وهو كمان بتلاقوه معلب وهو عباره عن لب القصب و لما يكون بالعلبه بيكون اسطواني و تخين وانت بتقطعي دوائر
water chestnut كمان هاي معلبه و بيكون مكتوب عليها بالعربي الكستناء المنقوعه بالماء.. شكلها بتكون مثل الكور وحجمها اصغر من كور البنغ بونغ و طعمها مثل التفاح تقريبا
الفطر انا عاده بحط فطر طازج و ممكن تحطي المعلب بعد ما تقطعي شرائح
وصلصه المحار او oyster souce و صلصة الصويا عاده بيلاقيهم مع باقي الصلصات بيكون لون صلصة المحار بني و تكون سميكه شوي اما صلصة الصويا بتكون بنيه بس خفيفه مثل الماي وعادة بتكون مالحه
ان شاء الله تكونوا استفدتوا واذا الله اراد رح اصورلكم المكونات باقرب وقت واحطلكم صورهم
كتبت بواسطة ام ناردين السلام عليكم ورحمة الله وبركاته اخت ريما..شكرا كتير على التوضيح وفعلا شفت المكونات كلها في السوبر ماركت بس بدي اعرف ممكن اساويها بدون الروبيان وصلصة المحار .ارجو منك الرد جزاك الله خيرا
اهلين عزيزتي
ممكن تستغني عن الربيان بس صلصة المحار بتعطيها طعم طيب و قوام كثيف و لون حلو لانه صلصه الصويا ما بتقدري تكثري منها لانها مالحه و خفيفه
ما تخافي ..صلصة المحار ما فيها طعمه محار او زنخه .. بالعكس بتعطيها طعم كتير طيب و ممكن كمان تزيدي عالمكونات فلفل حلو و بروكلي و جزر و ملفوف و طبعا هذا بيرجع لذوقك و صحتين