يا احلى امهات فى الدنيا امهات الاسكندريه ياريت ما تبخلوش على بالنصيحه وخصوصا اللى كانو متابعين معايا الجزء الاول من مدارس الاسكندريه
انا عارفه ان لسه بدرى على التنسيق بس انا لفيت على اغلب المدارس القوميه ولغايه دلوقت مش عارفه ارتب المدارس حسب جودتهم وبعدين سمعت كتيير ان الكثافه عاليه فى المدارس دى
ياريت اللى ليها اولاد فى اى مدرسه قوميه وخصوصا البنين لانى عندى ولد تقول رايها ايه فى المدرسه وكمان كثافه الفصول فيها قد ايه علشان يبقى سهل على كل اللى حيقدمو تنسيق السنه دى يعرفوا يرتبو الرغبات
جزاكم الله كل خيير
لا انا كده زعلانه قوىىىىىىىىما فيش حد فى اسكندريه مدخل ولاده فى اى مدرسه قوميه ممكن يفيدنى
انتم هجرتوا المنتدى ولا ايهههههههه
المدارس القوميه اسمع عن محمد كريم انها كويسه والباقى كله بيقولوا كان زمان كويس ودلوقت المستوى وحش
ربنا معانا كلنا ويبعت لنا اللى يفيدنا
واشكرك يا سمسم بس انا اقصد المدارس القوميه زى الاقبال الفراعنه ال ebs فيكتوريا كوليدج ومحمد كريم
انا كان نفسى اساعدك
بس ممكن تقوليلى الفرق بين المدارس القوميه والخاصة ويعنى ايه قوميه ماعلهش اختك جاهلة حبتين
وبالنسبه لفيكتوريا كوليدج اعرف ناس مواديين اولادهم هناك وبيشكرو فيها جدا
واهم حاجه الاستخاره وربنا يوفقك وتختاريله احسن حاجه باذن الله
والمدارس الخاصه بيملكها افراد ودلوقتى اخدت الطابع الاستثمارى
دى كل معلوماتى عن الخاص والقومى
عامة انا منحازه نوعا ما للمدارس الحكوميه احس فيها اهتمام وحزم اكتر من الخاصه كمان رقابة شديده من الوزاره والادارات التعليميه
مدرسة فى مدرسه خاصه كنت ناويه ادخل بنتى فيها بتقول المدرسه مافيهاش شرح ولا اهتمام والاعتماد كلى على الدروس الخصوصيه
لكن فى المدارس الحكوميه بيدوخو مع العيال
انا بادرس لبنتى فى البيت مش بواديها علشان الانفلوانزا بس ايام الامتحانات بشوف الاهتمام والرعايه والنضافه حاجه كويسه الصراحه