انا عايزة اعمل عزومة عندى للعائلة
ومحتارة اعمل ايه؟؟؟؟؟؟؟
والحلويات كماااااااان عايزة أنااللى اعملها
ياريت تنصحونى بأفكاركم ياحلوين
تحياتى لكم
بصى ياحبيبتى ممكن تعملى محشى ورق عنب وده كتير اليومين دول وملوخية حلوة كدة وتظبطيها كويس عشان يقولوا عليكى شاطرة ومعاهم محشى كوسة وباذنجان اسود او ابيض وفلفل رومى وحامى وشوربة شعرية اولسان عصفور وبالنسبة للبروتين اعملى فراخ مشوية فى الفرن ومعاها لحمة كباب حلة او لحمة مشوية وبانيه فراخ والحلو كوكتيل فواكه وانا تحت امرك فى اى سؤال
اختى الحبيبة ممكن تعملى محاشى ومكرونة بالبشلميل وفى طريقتين لية شوفى لو حبيتى تعمليهم وهى كيكة العجة وفطيرة بحشوات مختلفة وممكن لسان العصفور باللحم فى الفرن والحلويات فى جلاش اصابع محشى بالموز والمكسرات لو عاوزة الطريقة قوليلى وانا اكتبهالك وياريت نتواصل دايمالانى عضوة جديدة وعاوزة اكون صدقات كتيرة وسلالالالام لكل المصريات
سلام ياحبيتى اعملى ورق عنب وجلاش بللحمةالمفرومة وطاجن بامية بللحمة فى الفرن ورز بالشعرية وبماانك شغلتى الفرن معهم صينية كفتة وتحطى بعد سواها فحمة
اما الحلو جيلىاو بسبوسة
شكرا لكم جميعا حبيباتى
ربنا يخليكم ليا يارب ومنحرمش منك أبدا
تحياتى لكم
عن نفسى بعمل المحشى بانواعه ومعاه فراخ فى الفر ن وملوخيه بالارانب وشوربه لسان عصفور او شوربه لحمه وسلطات
انا عن نفسي في عزوماتى بعمل محاشي والكوسه والفلفل والبازنجان بعملهم في صينيه في الفرن بتبقا احلي واشيك والموخيه اساسي وكمان لازم نوع خضار بتبقا مثلا بسلة في الفرن ورز بشيعرية لان فية ناس مش بتحب النواشف ولازم خضار ولسان عصفور شوربة ولحمه وفراخ بانيه او مشوية براحتك انتى وممكن بطاطس محشية لحم مفرومة او مكرونة باشميل او رقاق وطبعا سلطة ومخلل ولو عملتى حاجه مشويه تعملي سلطة طحينه وممكن تعملي كفته بانية بتبقا جميله جدا في العزايم على العموم اختاري عندك مجموعه كويسه من الاكلات
وطبعا بعد الاكل الدسم دة اي حاجه بارده جلي فروت سلاد انا بفضله دايما مع العزومات لأنه خفيف ومش بحط عليه كريم شانتىة عشان كفاية دسم لو احتاجتى طريقة اي حاجه انا تحت امرك