السلام عليكم ورحمة الله وبركاته
هلا أخواتي
راح أقدم لكم
المعكرونة بالبشميل
أولا :- طريقة البشميل
سمنة + طحين نحركهم وبعد ما يصيروا زي الكريمة
بنضيف الحليب وجبن سائل كاسات بطعم القشطة وبنظل نحرك لغاية ما يصير زي المهلبية رهيبة وخصوصا الجبنة معطية نكهة
رشيت شوية فلفل ابيض وهيل مطحون
حركتهم وتركتهم يتسبكوا شوي
وهاي البشاميل صارت جاهزة
رشيت شوية فلفل ابيض وهيل مطحون
حركتهم وتركتهم يتسبكوا شوي
وهاي البشاميل صارت جاهزة
يالا هلأ دور الوصفة الاساسية
المقادير:-
كيس معكرونة
لحم مفروم
ملح + بهارات
بصلة كبيرة + فص توم
كميات قليلة من فلفل رومي + ذرة + جزر + بازلاء
معجون طماطم
الطريقة :-
نسخن مية ونسلق االمعكرونة مع اضافة ملح وزيت
مع ما تستوي نصفيها بمصفاة ونصب عليها مية باردة عشان ما تلتصق
خلصنا من المعكرونة نيجي لخلطة اللحم
نبشر البصل ونحوسه مع الزيت لغاية ما يذبل
ثم نضيف التومة ونحرك
نضيف اللحمة ونحرك مع اضافة الملح والبهارات
والخضار ونظل نحرك لغاية ما تنشف مية اللحمة
كنت محضرة صلصلة بندورة حطيتها على الخلطة
وتركتهم يتسبكوا عالنار لغاية الصلصة ما تخنت
نجيب صينية تيفال مستطيلة
نفرد طبقة المعكرونة الاولى مخلوطة بشوية بشميل
ثم نفرد الخلطة عليها خلطة اللحم والخضار
ثم طبقة معكرونة نضيف البشميل وما كان عندي جبنة موازيرلا
بشرت جبنة كرافت شيدر وحطيتها عالوجه طلعة طيبة كتير
وعلى الفرن على طول من تحت لغاية ما تسبكت الصلصلة بالمعكرونة
طلعتها وحطيتها عالشواية حتى تتحمر
وهاي بعد التحميييير
صورة عن قرب
خليتها تبرد شوي عشان يسهل تقطيعها
وهاي أحلى صحن لأحلى صبايا مع كاسة عصير جوافة يستاهل بؤكم
يسلموا ايديكي حبيبتي
بتشهي مووووت وخاصه كاسة الجوافة شكلها مغري خخخخخ
بالف هنا وشفا حبيبتي
يمي يمي يمي
شكلها بيشهي ام سعد
يسلمو ايديكي يا عسل
ويعطيكي العافية
وما تحرمينا اكلاتك الزاكية