(هذي قصتي مع تجاربي)النتيجه: شعر أسود ولمعه باذنجانيه ونعومه – والله لمعه واضحـــه! –
السلام عليكم بنااااااات شخباركم .. عساكم بخير ياربي ،،،
المهم حبيباتي 
أنا مو عارفه مو وين أبدى .. بس بإختصار انا سويت تجربه بشعري وبديت فيها من قبل ثلاث شهور أو أكثر تقريبا أو أكثر رغم اني كنت متخوفه وايييييييد اني شعري يخترب ويتغير لونه .. لكـــــن النتيجه طلعت روعه ! 
(( انا جربت الكتم ) لحظه لاتطلعون من الموضوع .. ولاتخافون يمكن انتوا خذتوا فكره مو زينه عنه من احد ……. لكن والله شي روعه .. سمعوا قصتي وراح تحكموووون !
وصدقووووووووني شهاده معترف بهــــا .. من قبل مطيوره ومن قبل اشخاص كثثثثثير في العايله هههههه ! 
سالفتي ياطولين العمر ومافيها …!
إن أنا وبنت خالي كنا نبي شي ينعم الشعر ويخليه غامج ،،
خل اقولكم طبيعة شعورنا عشان تحكمون !(انا شعري ملفلف وايييييد كأني افريقيه بيضاء بس يعني شعرتي لينه مو يابسه) .. وبنت خالي شعرها (نااعم بس ويفي وبعد لونه بني ) المهم كنا نبي شي ينعم الشعر يعني يخليه سيييده وفي نفس الوقت يغمج الشعر يخليه اسود 
..
رحت لأمي وسألتها شنو نحط بشعرنا قالت حطوا حنه ؟؟؟! ……. قلت لها لاماااابي حنه تفتح الشعر وتخليه بني فااااااتح وأحمر اشوي .. مو حلووو !! 
خصوصاً إن شعرنا بني مو اسود .. (بني غامق) … يعني لو اسود مابتأثر فيه الحنه فبينعم بس انا مابي شي يفتح شعري (خبري الحنا تفتح وتخليه احمر ) احنا نبيه غامممق اسسسود
المهم بعدين قالت لي إنزين حطوا نص الخلطه حنه ونصها كتم وحطوا معاهم روب (طبعاً بعطيكم بعدين مقادير الخلطه بالضبط بس الحين اقص بعدين اقولكم )
المهم يه اليوم الي قررنا نحط فيه ..بس بنت خالي كان مو معاي كانت في البلده المجاوره وقررت إني اجرب الحركه على روحي (الي كاسر خاطري إن كنت متفائله قلت الحين بيصير شعري كشخه والكل ببقلد اكيد بيصير غاممج وحلو !
<<مادرت المسكينه sid
المهم ………. اي صح نسيت اقولكم .. ان قبل بيوم من ماحط الخلطه بشعري (سويت الخلطه وغطيتها بنايلون .. مايصير اسويها واحطها بنفس اليوم لاااااا لازم تجمد اشوي .. المهم سويها أمس في الليل وحطيتها اليوم الصبح !..
وكانت الخلطه (لاحــــــــد يسويها ) 
(شعري تحت كتفي بشوي بس خفيف تقريباً ) فـ حطيت له
حطيت 2 فنجان كتم و 2 حنه
2 روب (حجم صغير )
نص ملعقة طعام زيت
واشوي ماي تقريباً نص فنجان (إذا لزم عشان تخففين الخلطه وقت ماتصير ثقيله وماتنخلط)
.
.
المهم
كنت متفائـــــله إن شعري بيغمج (كان عبالي الكتم شي يخلي الشعر مثل الفحم وكنت خايفه يصير اسود زياده عن اللزوم عشان جذي حطيت 2 فنجان حنه و2 كتم … قلت مابي احط كله كتم بعدين يصير قبعه من الفحم فوق شعري ……. (يعني كنت متخوفه إنه يصير أسود مثل المغربيات الي مايل على الكحلي و مافيه لمعه .. وأنا ماكنت ابي هالشي خيييييييير شررررر ) !
لكن والله يابنات ماكنت ادري إن المغربيات مايحطون إلا صبغ وعشان جذي شعورهم تكون سوده كأنها فحم مايله على الكحلي (ماتكون حلوه لان مافيها لمعه) .. حتى بعض البنات مو شرط المغربيات يعني عندنا في الخليج أو في اي مكان … مع احترامـــــــي لكل بنات العرب وأولهم المغربيات =) يحطون صبغ اسوود وفي الأخير يطلع لون شعرهم كللللش مو حلو .. مافييييييه لمعه !
<< اشتطت ونست إنها ماكملت قصتهــــــا
المهم رحت لايوم الثاني واخذت الخلطه معاي .. ورحت جدام المرآه (حلوه المرآه 
) وقعدت احط اشوي اشوي ولين ماخلصت .. وخليت الخلطه بشعري 3 ساعات !
.
.
وطبعــــــا طول ماأنا حاطه الخلطه اقوووول احم احم الحين بيصير حلو كشخه الحين بيصير حلو .. يعني كنت واااااااااايد ثقه ،،المهم غسلته بماي بس ( وحده قالت لي لاتحطين شمبوا من أول مره لان الحنه تنشف .. فلازم ماتغسلينه بشامبوا عشان مايحترق ويجف ..وقالت لي عقب ماتغسلينه بماي وتنشفينه حطي كريم بلكريم وخليه اليوم بطوووله وغسليه اليوم الثاااااااني بشامبوا! (بلكريم :العلبه الخضراء حقت جداتكم هههههههه ..)
المهم غسلته … والله لايوركم حوووووووسه وريحه كريه (الي تحب الحنا يمكن عادي) بس انا ماحبهاااااااا 
فدخت وأنا اغسل كررررريه ! هههههه
المهم غسلته وأنا للحين ماجفت روحي في المرآه <<< 
ويوم طالعت كان وراي شمس من الدريشه … وإلا لون شعرررررررررري بني فاتتتتتتتتتتتتتتتتتتتتتتتتح 
واحمر والله 
وكنت احاول اقنع روحي اقول لي : ترى صار اغمج .. بعدين اقول لااااااااااااااااااااااااااا ابداااا .. إلا فتح ومبيييييين .. وطبعا ماخليت الكريم إلا 4 ساعات وغسلته من القههههر وشعري صار جاف .. ومو حلووووو لونه !!!! (صار نحاسي) هههههههه
المهم مر كم يوم .. ورحت بيت بنت خالي ( الي كانت تبي تسوي الخلطه معاي) أنا ماتكلمت .. قلت اذا مبين بتلاحظ انا مابقول ها شي ! المهم دخلت ومحد عللللق .. بس والله والله مبييييين @@
بعدين إلا اشوي إلا تقول لي حطيتي في شعرج حنه ؟؟؟؟ قلت لها ايييييي إلا تقول تصدقين انا مساعه قلت كأنه لونه تغير بس قلت لالا .. قلت لها بس فتح إلا تقو اااااااااااااي هههههههه
وانا اندب حظي الحلوووووو .. ومتفشله من لون شعري .. حسيت اني صرت سمره اشوي (انا بيضه)
<< ترى مطولللللله السالفه اعذرووووووني 
انزين المهم قلت : لاااااااا محد لاحظ .. إلا انتي ،، خل اسأل خالتي .. وسشورت جزء من شعري .. إلا اقول لها خالتي اشرايج في شعري متغير .. إلا تقول لي ايييييييييي .. صابغته؟؟؟؟ قلت لها لااااااء إلا تقول لي حلو لونه صاير نحاسي قلت لااااااااااا ماببببببي (ترى ماعليكم مو حلو بس شكلها ترقع ) ههههههه
.
.
المهم ومرت الايام والشهور وانا كل ماطالع شعري اقول ياررربي اشسويت انا في روحي !!!!! sid توبه احط حنه مره ثانيه 
وبعد شهر بالضبط بنت خالي (الي كانت بتي تحط) حطت حنه وكتم نفسي .. بس انها حطت 4 ونص فنجان كتم و
2 فنجان حنه + 3 روب ضغير (اهي شعرها اطول مني )..
وطبعا يوم جفنا الخطله .. قلنا بصير اسود إن شاء الله ….. والي زادنا أنه بيصير هالمره اسوود .. يوم جفنا لون الخلطه سوووووووده سووده والله مثل لون الفحم ! قلنا امبييه الله يستر ومايصير اسووووود فحم 
بعدين تصيرين روسيه وشعرج كحلي وكرررريه ههههههه
المهم حطت الخلطه ويوم غسلتها إلا الاخت صار شعرها بعد افتح ولمعه حمرررره هههههههه يعني لونه بني بس لمعته حمرا والله صارت لها خصله بنيه فاتحه من قداام .. حتى اهي قامت تقول وووووع هالخصله الكريه ! ههههههه فديتها P=
المهم بعد شهـــــــــــــــــر مباشره ..
قررنا نحط بشعرنا انا وياها كتم خااااااااااالي +روب .. والي بيصير بيصير (مانتوووووووب )
.
.
لحظه تعبت من الكتابه يصير أكمل لكم بعدين العصر اشوووي بس حبيبااااتي .. وعد بكمل القصه اليوم وإذا طولت كلش معني ادري إني بكملها اليوم .. بكملها لكم (بكره) إن شاء الله … وإعذروني لو طولت عليكم !
ارجعوا .. لأني بقول لكم النتايج من بعد ماحطينا الكتم الخالي (جنااااان والله )
.
.
اختكم اسم على مسمى مطيوره 
ذبحتينا من القراءة وبعدين بلا نتيجة <<<<< ترى امزح معاج عمري مو تصدقين قاعده ازفج خخخخخخ
الحين أكمل القصه ولايهمج ثواني
يا سسسسسسسسسسسلاممممممممم
تاخرت ووووووووووووووواجد
وين وصلت أي صح وصلت يوم أنا وبنت خالي قررنا نحط كتم خالي بشعرنا ،،
المهم في ذاك اليوم سوينا في الليل الخلطه والمكونه من : حلوه المكونه p:
في حالة الشعر الوسط الي يكون تحت الكتف بشوي تحطين 4 فنجان كتم + 2 علبة زبادي (حجم صغير) مع إضافة نص ملعقة طعام زيت وفي حاله ماتحسين إن الكتم جااامد ومو قاعد ينخلط وثقيل حاولي تخلطين اكثر .. وإذا ظل جامد .. ضيفي عليه اشوي ماي ربع فنجان (بس لاتكثيرن عشان مايصير مويه .. بعدين مايصبغ زين ) …….
انزين نكمل .. وبنت خالتي حطيت لها 6 فنجان كتم +3 علبة روب حجم صغير لأن شعرها اغلظ مني رغم إن انا وياها نفس الطول تقريباً ..
يعني إذا انتوا تبون تحطون شوفوا طول شعركم وقارنوا الأطوال .. ولكل فنجانين كتم ——> حطوا علبة روب 
انزين المهم قمنا الصبح وحطينا كتم ..
اهي خلته ساعتين وأنا ساعه ونص يمكن .. (يعني ساعه مابعد الحط + ساعة الحط) اهو المفروض اخليها ساعتين بعد ماحطه بس انا كنت مستعجله !
طبعاً نسيت اقول لكم إن للكتم ريحه قويه تشبه ريحته الأعشاب بس والله تهوووون عن الحنا .. اصلا الحنه أنا يوم حطيتها داااار راسي كنت خلاص اشوي واستفرغ من رايحتها !!!!!
بس الكتم ريحته تهون لأنها ريحته أعشااب ..
انزين المهم رحت الحمام وغسلة .. ويالله يازينه من بعد الحنا …….. لون حلووووو يعني حسيت إن شعري صار لون ثاااني صار غامممممممممممق ومايل على الأسود .. بس لأن كان رطب فمو مبين !
المهم ذاك الوقت كنا مستعجلين فتسبحت وغطيت شعري وطلعت .. ونفس الشي بنت خالتي غطت شعرها وطلعت !
وبعد مارجعنا من بره .. كان شعررررري اغمق من شعرهــــا ويوم نشف (انا اقتنعت إن صار اسوووووود بمعنى الكلمه وصار حلو صح فيه لمعة خفيفه على الأحمر بس لمعه حلوه باذنجانيه على مارونيه غاااااااامقه جداً ) وحتى بعض الأحيان ماتبين بس والله حلوه ..
أما بنت خالتي فشعرها اسود بس مو نفس شي انا وياها استغربنا ؟؟؟؟؟ قلنا اشمعنى ؟؟ يعني الخصله البنيه الي في شعرها نفس ماهي ماتغريت !
.
.
بعديييييييين تذكرنا السبب .. إن اهي حطت حنا .. قبل شهر (ومعروف إن الحنا قوووي ومايقبل اي صبغه فوقه .. فيالي حاطين حنا انتظروا على الأقل شهرين أو حتى يمكن أكثر .. عشان تحطون كتم ويغمق .. لأن اذا كنتوا حاطين حنا قبل مايقبل .. نفس الصبغاااات اذا تحطينها بعد الحنا ماتصبغ تقطع )
انزين المهم إن امي يوم شافتني قالت لي إي شعرج صار اسود … واليوم الثاني اغمق اكثثر .. (مثل الحنا في اليد اليوم الأول فاتحه واليوم الثاني تغمق ) <<< على كيفهاااااا .. بس والله انا احس كذا هههههههههههه
انزين بعدها بشهر .. حطت بنت خالي مره ثانيه … عشان تودي الخصله الشقرا .. وبالفعل يوم حطت مره ثانيه .. صار احـــــــــلى وغمق اكثر من أول .. ونعم اكثثثر ،،
ويوم راحت عند بنات خالتها قالوا لها لون شعرك صار يجنـــــــــــــــن شنو حاطه فيه .. ومااااااااشاااااء الله صار انعـــــــــــــــم من قبل .. يعني صار سيده أكثر ..
عاد انا عقب فتره بعد حطيت مره ثانيه واهي حطت معاي .. والنتيجه كانت روووووعه والله ،،
صح أول ماغسلناه قلنا اشفيه ماقام يصبغ ؟؟ كأن ماتأثر؟
بس مجرد شعرج ينشف يبين اللون .. (صح لحظتها ماكنت مقتنعه غن شعري صار اسود وايد بس كان عاجبننننننننني واهي نفس الشي )
المهم اليوم الي عقبه رحنا حق الأهل .. اختها أول ماشافتها قالت لها ابيضيتي (هذا دليل على إن شعرها اسود لأكثر ههههههههه ) وأمها تقول لها صارت فيه لمممعه ماشاء الله (قولوا ماشاء الله ) لاإله إلا الله !
الله يعطيكم ماعطانا قولوا آمييييين ..
إنزين المهم .. خلال هالفتره … في نفس الأسبوع على ماظن .. انا كانت عندي عزيمه وحطيت زيت بشعري لأني كنت مقرره إني اسشوره .. (عشان مايحترق حطوا زيت قبل السشوار) …… المهم يوم سشورته اقتنعت كااااااااااااااامل الإقتناع إن لون شعري صار اسووووووووووووووووووود ! طلع اللون واضح واللمعه بنفسجي على أحمر حلوووو !
وطول هالأسبوع حسيت إن شعري متسنننع والله .. يعني قبل كنت لازم سشوااااار الحين احس بمجرد مالفه اشوي وافكه يطلع زييين .. او يطلع ملفلف بس حلو مو نفس قبل جاااف ومكشكش هههههههه
وطبعاً انا ماكتب كل هالكتابه إلا من بعد مالاحظت إن حتى الناس قاموا يقولون لي شعرج صاير حلو وزين وجذي ..
يعني مره كنت قاعده اقول حق بنت خالي بروح اسشوور شعري .. إلا تقول لي ليش مو مسشورته قلت لاااا (وانا متشققه من داخل ) ههههههههههه (يعني مو سيده بس مافيه كسرررررات قويه كسرات ناعمه)
.
.
ووبعدها بفتره إلا امي تقول لي شعرج صاير حلوو ماشاء الله شنو مسويه فيه ..
وبنت خالي الثانيه تقول لي مطيوره ماشاء الله شعرج صاير حلو (رغم إني كنت لافته ) يعني مو بين .. وبعد كانت تقول عبالي مسشورته ) يعني الحمدلله تسنع .. درجه أولى وحتى بنت خالي الي معاي .. ماشاء الله شعرها صار واااااااااااااااايد أحلى من قبل .. وانعم الحمدلله ! فوق هذا تحسون فيه لمعه حتى لو كان ويفي (مكسر او ملفلف أو مجعد)
.
.
وقبل مانسى اقول لكم .. اهو يوم الي تحطون فيه كتم بتحسون شعركككم جااااااااف وايد .. بس ماعليكم رطبوه بكريم .. أو اي شي ..
يعين أنا كنت دايما بعد الأستحمام وبعد ماينشف شعري اشوي (تكون فيه رطوبه خفيفه) احط شسمه ياربي نسيييييت
<< تتذكر ؟؟؟؟؟؟؟ امممممم .. هذا الشي البرتقالي الي من شركته رويال (البخاخ) الصغير .. بحاول اجيب اسمه بعد اشوي أو اصوره لكم (المهم اهو يساعد على إن يخلي الشعر سيده وحلوو .. وصدقوني لايخرب الشعر ولا يطيحه بالعكس يلمعه وينعمه …)
المهم إن هالشي ..احطه في شعري .. أبخ بختين في يدي .. وامسحه في شعري (بس ماحطه على الجذور .. يعني من فوق وداخل بس) و ألفه واخليه ساعه أو ساعيتن .. لين ينشف شعري !وبعدين يطلع حلو لو تفكينه .. أو مو شرط لأن بعض الاحيان مايساعف أصلا .. بس إن بيصير حلو لو تسشورينه أو لمناسبه يعني (كلون ولمعه ونعومه)
.
.
حاولوا تجربونه اليوم أو بكره .. والكتم أظن الكل يعرفه تحصلونه عن الحواج أو العطار
وخبروني بالنتايج .. وصدقوني إذا ماظهرت من أول مره بتظهر من المره الثانيه .. إما الي شعرها من أساس اسود ماظن راح يأثر فيه .. بس الي بني غامق ببين وحتى الي سعرها اسود خل تجرب بيطلع حلوو .. بس انا مو مسئوله لو تغير لو شعرها وصارت فيه لمه مارونيه أو باذنجانيه واهي لمعته سوده ((بس والله حلو روووعه )) حتى لو صارت اللمعه مارونيه ..
.
.
وأنا جاهزه لأي استفسار حبايبي ومن عيووووني
اختكم / المطيوره
Aprilgirl : هلا فيج قلبو سامحيني .. ويشرفني إن أول رد في المنتدى يكون في موضوعي
لؤلؤة المنتدى : بعد قلبي سامحيني على التاخر وآسفه إذا عطلتج .. هذاني حطيت التكمله D= جربيها وعطيني رايييييج فيها !
لمحة حزن : وهذاني كملت … جربيها وعطيني رايج ….. وسامحيني إذا اني تأخرت عليج =)
وسامحوووني جميعـــــــــا على التأخير ..
<< المطيوووووره