النودلز انا اللى خليتة كدة 2024.

كما جرة العادة ان المكرونة النودلز بالنسبه لينا
اكلة سريعه وخفيفة وغالبا ملهاش لازمة بالنسبه للفائدة

فبصراحة صعب عليا الطعم اللذيذ دة يكون ملوش لازمة
فشوفوا عملت اية

طبق عبارة عن مجموعة خضار اى خضار عندك ضيفيه للمكرونة مع لمسه فنية صغيرة وتحول الطبق من الى طبق كده
بجد بجد

المقادير
2 كيس مكرونه نودلز
1 كوسه
1جزرة
فلفل الوان (احمر واصفر ) طبعا كل الخضار مقطع صوابع
مشروم
بروكلى
بصلة
1 ملعقة كبيرة بسلة
4/1 كوب صويا صوص
جزء من مكعب ماجى

الطريقه

بضع ملعقة زيت واحدة واضع عليها البصل الشرائح مع التقليب لمدة 2 دقيقة واضع البسلة والجزر الصوابعواضيف ماء واضع عليها كيس البهارات الخاص بالمكرونة ومعهم مكعب المرقه او جزء منه حسب ملحى ومشحوصيكى على الشطة الى ان يدخل فى السوا
واضع باقى الخضار الى ان تستوى بس انا مشعايزاها تتهرى وعايزة معاها صوص خفيف
واسلق المكرونة نصف سلقة وأضعها فوق الخضار وتكمل تسويتها مع الخضار وفى الاخر اضع الصويا صوص لدقيقة اخرى ويكون الطبق جاهز
كنت عايزة اقولكم حاجة انا بحاول اعمل نسبة وتناسب وانا بسوى الخضار والمكرونه يعنى وانا بسوى الخضار اعمل حسابى انة حياخذ 2 دقيقة كمان مع المكرونة والصوص وطبعا لانة مقطع سلايسس مابيخدش حاجة على النار ونفس الكلام مع المكرونة