انا من حماة بس قضيت فترة دراستي الجامعية بالشام
اكلت الطباخ روحو عند ست شامية و نفسها لا يعلى عليه حتى كانت تسلت فيه كم كوساي محشية و كم بيتنجانة محشية و يطلع شي طيب كتييييييييييييير ياريت توصفولي طريقته ان امكن فهو نكهة مختلفة عن الكواج …
و لكم جزيل الشكر
بتقطعي بصل على حسب الرغبة وبتقليه شوي مع السمنة او الزيت النباتي ليستوي شوي بتحطي الحمة المجرمشة او الراس عصفور وبتقليها مع البصل لتستوي بتكوني قطعتي البندورة وسط لا تصغريها كتير وبتحطيها فوقهم مع الملح والبهارات وممكن حبة ماجي وتركيها تستوي عراحتها على هدوء النار بعد الغليان وفي ناس بيقشروا البندورة قبل التقطيع على راحتك وهي بتقبل تحطي بقلبها محشي اما اذا كنت عم تحكي عن الطباخ روحو تبع الكوسا وبيتنجان ولحمة قولي وانا بخدمتك لانو في كتير ناس بيخربطوا بيناتهن واهلين فيك ياعيوني اي استفسار انا جاهزة
طريقة الطباخ روحو : كتير سهلة :
المقادير : بصلة كبيرة مقطعة شرائح , لحمة مفرومة , بندورة مقشرة ومقطعة قطع صغيرة ( مكعبات ), كوسا مقطعة قطع صغيرة ايضا ( مكعبات ) 0 عصير تمر هندي ( قليل منه ) , ثوم مدقوق , نعنع يابس , قليل من السمن
الطريقة :
ضعي السمن في القدر ثم فوقها اللحم المفروم وحركي مع اضافة الملح والفلفل
اضيفي فوقها البصل الشرائح وحركي حتى يذبل قليلا
اضيفي الكوسا مكعبات وقلبي المزيج اركيها لمدة 5 دقائق ثم اضيفي فوقها التمر هندي واتركيها حتى تنضج الكوسا قليلا ,,, بعد ذلك اضيفي البندورة واتركيها لتضج تماما ولا مانع من اضافة ملعقة من رب البندورة اذا وجدت ان البندورة خفيفة ,,, بعدها اضيفي الثوم والنعنع 0
( يجب المراعاةفي اضافة كمية التمر هندي وهي بان تتذوقي حتى تعرفي ان حموضة الطبخة معتدلة وليست زيادة )
ويالنسبة للكوسا المحشية والباذنجان هذه اضافات ليست من اصل الطبخة وتكون حسب الرغبة
والف صحة 00 وارجو ان اكون قد افدتك
الله يبارك فيكي
اهلا وسهلا فيكي 000
شكرا جدا جدا جدا على الوصفتين و رح اطبخ ايوم الطباخ روحو لانه مشتهيته من سنييييين
بتشكر رددوكن السريعة
على فكرة اذا كنتوا انتو بالسعودية فانا بالامارات و اهلا و سهلا فيكن اذا بتحبو تزورونا