اليوم جايبتلكم طبخة روعة ان شاء الله تعجبكم وهي الفول الأخضر باللبن .
نبدأ بالمقادير :
فول اخضر منظف ومقطع
بصل ، لبن زبادي ، ملح وبهارات وماء للسلق.
الطريقة :
نقلي البصل بشوية زيت ولما يبدأ يذبل نضيف الفول ونشوحه معه شوي وبعدين نضيف الماء ونسلق الفول ونضيف الملح والبهارات ونتركه حتى يستوي .
بعد استواءه بنحضر اللبن بالطريقة التالية :
نضع اللبن في قدر ونضيف له نشا حسب كميه اللبن او بيضة وممكن نضيف ملعقة طحينة للي بيحبوها حسب الرغبه ونخلطهم كويس ونحطهم على النار حتى يغلوا مع استمرار التحريك وبنفس الاتجاه حتى ما يفرط اللبن .
لما يغلي بنضيفه على الفول ونحركه حتى يتجانس معه ونتركه على نار هادية ربع ساعة حتى يتشرب الفول نكهة اللبن .
بنقدمه بجانب طبق الرز المصري أو البسمتي حسب ما بتفضلوا وصحتين وعافية .
ياللا بدي كلكم تجربوه وتحكولي رايكم خصوصا بهالبرد بيعطي طاقه ودفا .
الف الحمدلله على السلامة
تسلم ايدك على الطبق الحلو
ولا تقطعينا حبيبتي من وصفاتج الحلوة
رح انقله على قسم المقبلات
انت بتأمري امر بس معلومة صغيروة قبل ماتنقليه ، هذا الطبق من الاكلات الرئيسية عندنا مش من المقبلات .
لكن انت الbig boss واللي تقوليه بيمشي ولا شو رايك ؟
هو اكيد بالنسبة لنا رح يصير رئيسي
بس كتصنيف رح يكون مقبلات
هالاكله كتيررررررر معروفه عنا
وهي طبخه رئيسيه مش مقبلات
بس شو عليها طعم اممممممممممممممممممممممممممممممممم
ولا اطيب
يسلمو ايديكِ فوفو وزيدينا روائع
لازم أجربه
وأنا متأكده إنه بيعجبني.
تسلم يدك.
طيوف عزيزتي شكرا على المرور ومادمت بتحبيها اكيد هذا بيزيد من اقناع البنات فيها ولا شو رايك ؟
غاليتي ام مرايم اهلين فيك وانت فعلا صادقة انا بموت بالفول بكل طرقه وصدقيني رح تعجبكم جدا وعلى ضمانتي بس إذا مزاج زوجك صعب لا تحكي له انا اللي قلت لك عنها .
الفتاة الطويلة … اهلين بهالطلة نورتي ولو جربتيها رح تغيري رايك ، بس لا تدمنيها وتقولي أنا اللي زودتلك ميزانية البيت ؟!!!
لبلوبة اهلين فيك وشكرا على مرورك نورتي الموضوع .
