اليالنجي الحلبي مختلف تماما 2024.

السلام عليكم ورحمة الله

اليوم جايبتلكون وصفة خاصة بأهل مدينة حلب الواقعة في شمال الجمهورية العربية السورية
اليالنجي أو ورق العنب بالزيت عنا مختلف عن باقي الدول المجاورة بل وحتى باقي المدن السورية
الأخت الغالية بسمة نزلت وصفة في غاية الروعة على هالرابط عن طريقة اليالنجي بباقي المدن

بالنسبة إلي أنا بحب اليالنجي بكل أشكالو فطعم الحموضة اللي بيميزو بيخليه بالنسبة إلي و لكتير من الناس ( و خصوصا الستات ) من ألذ المقبلات الشامية و اللي لا تؤكل ساخنة أبدا

ما رح طول عليكون وندخل عالمقادير
رح نحتاج لورق عنب ( ممكن ينعمل بالسلق و الباذنجان و ورق الملفوف )

21 كيلو رز مصري ( قصير الحبة )
21 كوب زيت زيتون
2 حبة بصل مفرومة قطع صغيرة
21 كوب دبس رمان
21 كوب ماء
كمشة جوز مفروم ناعم ( إختياري )

21ملعقة كبيرة نعنع يابس
21 ملعقة كبيرة قرفة مطحونة
21 ملعقة كبيرة ملح
21 ملعقة كبيرة سكر
21 ملعقة كبيرة فليفلة حمرا ناعمة ( بابريكا )
21 ملعقة صغيرة بهار ( السبع بهارات )

بعد ما نقي الرز بغسلو منيح و بتركو ليتصفى تماما من الماي ( ما في داعي أبدا لنقع الرز )
بها الأثناء بدبل البصل بزيت الزيتون على نارهادئة حتى يدبل ويصفر لونو بنضيف عليه الرز بعد ما نتأكد من أنو تصفى من الماي و منقلبو بالزيت والبصل لحتى نحس أنو رح يبتدي يلزق بالطنجرة

منضيف عليه تشكيلة التوابل ومنحرك لمدة دقيقة

وبعدها منحط عليه نص كاسة المي ومنغطيه وعلى نار هادية شي 5 دقايق بس كل شوي بحركو حتى ما يعلق إلى أنو تنشف الماي كلها بطفي عليه و بحط دبس الرمان و الجوز وبحرك وبتركو ليبرد وهيك صارت الحشوة جاهزة

منحط الحشوة على ورقة العنب و منطوي عليها الأطراف الجانبية و منلف الورقة متل ما منعمل محشي ورق العنب
( بعتذر لأني ما صورت هالخطوة )
بعد ما ننتهى من حشو ورق العنب برتبو في الطنجرة ( أنا بحب حط شرايح بطاطا تحتو مشان ما يعلق )
بحط عليه طبق مقاوم للحرارة و بتقلو بشي تقيل نوعا ما
بغمر ورق العنب بالماي وبحط معه ملح حسب اللزوم و ممكن شوية دبس الرمان وبتركو على نار هادية جدا لحتى يستوي ( ممكن ياخد 4 ساعات و أكتر )
لما بستوي بصفي الماء عنو وفورا بقلبو على وعاء واسع وبتركو ليبرد لحتي يسهل سكبو
بعدها برتبو بصحن التقديم طبعا لونو بيكون غامق نوعا ما بسبب وجود دبس الرمان بس الطعم مممممممممم رااااائع
و صحة وهنا

رينو تسلم الايادي يارب
شو هالحلو شط ريقي ريته ألف صحه وهنا يارب
طريقه جديده كمان سبحان الله

كل مره بنتعلم شى جديد عم أتخيل طعم الجوز شو بكون طيب

تسلم الايادى يارب

لونلي العسل نورتيني حبيبة ألبي
أولا شكرا على الشعار الحلو
و شكرا عاللي أحلى من الشعار .. طلتك الغالية
بس في عتب صغير … ليش الغياب !!!
هاد بس من الشوق …ههههه

ماشاء الله
تسلم ايدك

ماشاء الله روعة
تسلم ايديكي والله مشتهية عليه كتير