انا .و امي والحزن . 2024.

كيف حالكن اخواتي العزيزات……

ياخواتي انا بديت اكره بيتنا وبديت اكره اهلي……..والله العظيم صارلي 4 ايام ونا اصيح عيوني بتطلع

ادري بتقولون هاذي امك وامك…….بس ياليت حد يفهمني ذره …

السالفه ومافيها ان امي دايما دايما تحط اللوم علي في البيت..يعني لو مثلا مزحت مع اختي شوي وصاحت..تقولي حرام عليكي ليش صيحتي اختج وليش مسكينه البنت…بس يوم انا اصيح والله محد يسألني ليش تصيحين اشفيكي ….ماعرف هل انا مو بنتهم ولا ايش؟؟

اتخيلوا من يومين انا واخواني قاعدين على العشا مع الوالده..بعدين امي سألتنا قالت ها وش سويتوا في المجمع ..ترى خذت اخوي واختي ورحنا المجمع …فأختي قالت لأمي ان اخوي بهدلنا ويتشيطن قدام الناس….ونا قلت: ايه والله لعوزنا بهدلنا ……..وقام وصاح علينا مثل الأطفال وراح الغرفه وسكر الباب بالقووووو…علما بان عمره 14…المهم امي عصبت علي انا بس…قالت لييييييش تسوين فيه كذا وماعرف شو حرام عليكي ما صدقت شوي قعد ياكل……هو صح يمكن انا الغلطانه مو اختي بعد الغلطانه….. فقلت حق امي ليش تدلعيه وهو كسلان لا يفكر في المذاكره ولا في الدرجات

اتخيلوووا قامت وكان معاها عصا بلاستيك…….ضربتي ضرررررررررب على ظهري …انا بنت عمري 22 سنه انضرب؟؟؟ وعلى شي ما يستاهل……..وقالت لي لا تطولين صوتج علي

بالله عليكم انا وش قلت …………انا خلاص ابي اموووووت مليت منهم

دايما اقول حق امي ابي بس تدعين دعاء واحد في حياتك…اني اموت وترتاحون مني

علما بأني انا اللي نافعتها في البيت لما يجون عندنا ضيوف والله انا اللي اقوم بالواجب ..صح هذا واجبي بس وين الحب وين الحنان انا مليييييييييييييت

الصراحه نفسيتي لاتوصف…والله اني تعبانه نفسيا وابكي مثل بكاء الأطفال……..و وقت اللي ابي اتفاهم مع امي تطنشني…وبعدين ابوي قال اتركيها هاذي مجنونه؟ََ!!!!!!!!

انا متوقعه انكم بتقولون هالكلام……ونا اصلا ما حطيت عقلي بعقل اخوي ما قلت شي…

قلت انه فشلنا…..ولاتنسين ان اختي اللي قالت اول شي مو انا

بس يالله خلاص تعبت ما اقول الا الحمدلله على كل حال والله يصبرني على حالي

مشكووووووووووووووره على كلامج

اليازيه: سلمت اناملك اختي على ما كتبتيه لي ..والله عندما قرأت ارتحت قليلا… على فكره انا وامي صديقات يعني كانت تقولي اي سر يصير ونا بعد اقولها….بس يوم اتضايق ولا ابكي ولا اي شي ما تسألني اشفيج. وهذا اللي يضايقني …وابوي الله يهديه نفس الشي ما يعطيني مجال اصير بنت محترمه رغماني محترمه اقصد يعني يشجعني يقولي كلام حلو….بس دايما يحبطني … والله كلامهم جرح واحباط كيف اتحمل؟.!!!!! يعني اذا زعلتي بالطقاق …..وامس دخلت على امي عشان اعتذر …سمعتني كلام اعوذ بالله….قالتلي انا مرتاحه انج زعلانه البيت حلو يوم انتي زعلانه …… ما قالت لي شوي كلام يطيب خاطري ………. عموما ما اطول عليكم لو اكتب لين بكره ما راح اخلص…مشكورين حبيباتي والله ماعندي اغلى منكم …….

ابشــــــــــــــــــــــــــــــــــــــــــــركم ببشاره طيبه:

امي جت عندي الغرفه ونا قاعده على النت……تجي وتبوس راسي وتقول: انا آسفه يا بنتي يا حبيبتي ما اقدر استغنى عنج ………بس مره ثانيه لا تتحرشين باخوانج…….يا جماعه حاسه الدنيا مب شايلتني

من الفرررررررررررررحه…والله وجهكم خييييييييييير …