الصيف قتلنة بالحر
واهل البيت اموتين روحهم على الايس كريم ( البوظة أو الدوندرمة)
المهم هاي الوصفة للامانة جبته من الموقع بس ما اتذكر شنو اسم صاحبة الموضوع وسويت شوية تعديلات عليها
وطلعت تجنن بحيث كل يوم اسوي
يمكن راح تطلع البطانة اغلى من الوجه( اذا اشتري يمكن مرة بالاسبوع بس لان اسويها بالبيت فكل يوم اسوي )
جربوها مراح تندمون … وخطيتكم بركبتي اذا فشلت
المقادير
3 كاس ماء
2 ونص كاس حليب باودر ( اي نوعية ما يفرق)
2 كيس دريم ويب ( علبة الي فيها كيسين )
1 ملعقة صغيرة مليانة سحلب وليست ممسوحة
نص كأس سكر
تخلط وتوضع بالفريز … بعد ساعتين تخلط مرة وحدة وتترك لتجمد
وخلص اكلوها بالف عافية
ممكن اضافة مستكة مع الخلطة
ويمكن وضع الفستق الحلب بعد الخلط ( يعني بعد الساعتين )
يمكن ان تكون بالشوكلاتة بان نستبدل نص كوب حليب بنص كوب باودر الكاكاو
او نذوب نسكافيه بقليل من الماي ( جزء من 3 اكواب)
جربوها والله العظيم ما تخسرون
باين من وصفك انها حلوه
واسفة على تاخري بالرد لان يوم الخميس والجمعة ابني ما يترك النت ابدا
اي حبيبتي اماني
اي نوع على الكهرباء
خلاط او ست البيت او مضرب ما يفرق بس المهم كهربائي
ان شاء الله تعجبج