ايه الفرق بين السينابون في الصور دي؟؟؟استفسار 2024.

ازيكم اخواتي ان شاء الله تكونوا تماااااااام واولادكم تماااااام وازواجكم تمااااام
وكل شئ ميه ميه
معلش هتعبكم معايا
انا بحب السينابون والحمدلله بعمله كويس اوي يعني بفضل الله بيطلع زي الجاهز ويمكن احسن لأني بتحكم في كميه السكر بره بيكون مسكر اوي بس في مشكله انا لما بعمله بيطلع شكل زي كده

وعلى فكرة ده ولا شغل مكينه ولا حاجه لأن السينابون حتى في المطاعم بيتعمل باليد
من يومين انا وزوجي كنا قاعدين في سينابون كافيه وقام سأل إللي شغال في العجين قال لا ولا مكينة ولا شئ العجين بيجي جاهز من الشركه نفسها وهو بيطلعه من الثلاجه ويفردها ويحط عليها سواء قرفه وسكر او شكولا ويلفها رول ويقطعها ويخليها تخمر شويه ويدخلها الفرن ويحطه في الفرن
وده شكلها من سينابون كافيه
بتبقى كده

ياريت إللي تعرف ازاي اخلي شكلها كده تقولي
وجزاكم الله خيرا

طبعا واضح ان حباته لما بتتخبز بتنفش وتلتصق ببعضها لازم تخلى مسافه بين كل قطعه واخرى لانها بتزيد فى الخبز
شوفى الغاليه ام المجد عملاه ازاى ماشاء الله عليها الله
واكبر شغل محترفين

نقطعها قطع متساويه في الحجم .. استعملت هنا ايضا المسطره .. وقطعتها بعرض 3 سم

وهذه الطريقه رأيتها في محل السينابون .. لانهم يقومون بعملها امام أعينكم

في صينية فرن مدهونه بالزبده .. وضعت قطع السينابون .. ثم تركتها لفتره من الوقت
نصف ساعه تفي بالغرض

نور الهدي
شكرا حبيبتي على الرد
انا حبيبتي بخلي مسافات مش دي المشكله بس مشعارفه بصراحه ايه الحكايه
على العموم انا هعمله الأسبوع ده ان شاء الله وهقولكم إيه إللي حصل

فروحة قلبي
ايوه ياقلبي فهمت كلامك وان شاء الله هعمل كده

ام مريم العراق
كلامك صح انا سمعت ان القطع بالسكلين احيانا بيعمل مسافات بين الطبقات وكنت ناويه المرة
الجايه اجرب الخيط