بريـــانـــــي دجـــــــــاج
هلا الوصفه أخدتها من وحدة هنديه … يعني على أصوله … بس في شوية تعديلات ممكن تنعمل
من غير ما تتغير الطريقة الاساسية
بدكو تتحملوني شوي … عشان بحكي بالتفصيل
يعني مو الممل كتييير
بس زي ما انا بحب اعرف بالتفصيل
بحب احكيلكو بالتفصيل
المقاديــــــر
قبل ما نبدى بشي بناخد شوية زعفران … ننقعهم في ماء مغلي
(ازا ما في زعفران .. ممكن كركم منقوع بالماء)
بعدين ناخد راس ثومه مع كم قطعة زنجبيل نخلطهم في الخلاط
(هاي الخلطه رووووووعه وبتعطي طعم بجنن)
ضمة كزبره مفرومه …. دجاجتين مقطعين ارباع بدون جلد مغسولات منيح ومبهرات
4 – 5 حبات طماطم مقطعين لقطع صغيره مع القشره
4 – 5 بصلات مقطعة لاجنحة
3 – 4 ملاعق من اللبن روب
3 – 4 حبات فلفل حاااااااااار
(طبعا حسب الرغبه مممممممم)
3 كوب أرز بسمتي مسلوق نص سلقة
هون في تعديل بسيط انا حطيتو ..
انا سلقت الرز سلق كامل .. وراح أحكي ليه في وقت معين
3 – 4 ملاعق معجون طماطم
حبة لومـــي جافـــــه كسرتهــــا
بهارات … المفروض تنحط حب مو مطحون وتبين في الاكل
طبعا اولادي ما بحبوها … فأنا حطيتها مطحونه
فلفل اسود … قرفة … مسمار … حب هيل
وطبعا ملح
بهارات بريــانـــي + بهــارات مشكله
تـــــابعـــونـــــــي
في ناس بتحب تشويه … هلا انا ما باكل اللحمه ويااااااااالله آكل الدجاج
فبحب يكون مستوي منييييييييييييييييح
على النار … نقلي البصل وبعدين نضيف الفلفل
نقلبهم منييح … بعدين نضيف اللومي المكسور
نقلبهم شوي … وبعدين نضيف بقيت المقادير
الطماطم + البهارات + اللبن + معجون الطماطم + خلطة الزنجبيل (لازم تكون على الاقل 3 ملاعق أكل)
( انا نسيت ممكن تحطي ورق غار بس انا ما كان عندي )
نقلبهم شوي وبعدين نحط الدجاج وننثر على الوجه كزبره مفرومه
ونخليهم على نار هاديه … مع التقليب كل شوي
(هون عملت التعديل … المفروض الرز مسلوق نص سلقة ينحط فوق الدجاج عشان
يستوي مع بعضه .. بس لما جيت أغرفه اول مره تخربط الرز مع الصلصه المفروض تكون
أسفل الطبق … فعشان هيك سلقتو كامل … وخليت الدجاج مع الصلصة يستوو على النار
براحتهم … وانتو الكو حرية الاختيار بالطريقة )
هاي الصوره بعد ما صارت الصلصه جاهزه والدجاج مستوي
وما اخد كتيير وقت لانو كان مقلي قبل هيك
وصدقوووووني الريحه كانت بتطير العقل … خصوصا ريحة
الكزبره و خلطة الثوم مع الزنجبيل
لعيونكم حطيت شوي من الرز فوق الدجاج وهيك راح
يكون منظره … وبعدين ترشي الماي الاحمر (ماي نقعة الزعفران) على الوجه
وعشان هيك ما طلع زي ما بطلع المنظر بالعاده
تخربطت الصلصه مع الرز الابيض … المفروض يبين على الوجه
انتو اعملو زي ما بعمل .. كل شي لحال بيطلع المنظر بجنن
انا عملت على جنب صلصة لبن خاصة للبرياني
راح احط طريقتها في ركن السلطات
بالأخير … نحط في قاع الطبق الصلصة بعدين الرز الابيض بالزعفران
وعلى الوجه الدجاج مع المكسرات والبيض المسلوق وشرائح الليمون
ان شاء الله يعجبكو يا صبايا
وآآآآآآآآسفه على الاطاله
وصحتين وهنا على قلوبكم
شكرا كتييييييييييييييير لاول مرور عندي يا قمر
الزاكية والله الريحة بتفحفح بالمنتدى
شو هالريحة بتشهي …..يم يم يم
يسلموا هالايدين
من زمان عنك والله اشتقتلك…..
تسلم يدك
و عجبتني خلطة الثوم و الزنجبيل و اضافة الكزبرة لهم
اعتقد انها ممكن تنحط باطباق تانبة كمان
بجد ابهرتيني
اطباقك كلها مميزه
ما شااء الله
بااين من الشكل انه مو طبيعي
جزاك الله كل خير يا قمر