——————————————————————————–
افتـح القـرآن يالله او حديـث السنـه
واعطني اقوى دليـل يفنـد العلمانـي
كانه مكفر فعطنـي مقضـب المنسنـه
والله الوالي لجبـع عاتـق النصرانـي
وان غدا عاصي فرحبي للذي وش كنه
عين نبع من صفاها تروي العطشانـي
شيخي اللي منته منـه ولا أيـة منـه
ضلع قلبي بيض وجهي جدي الروحاني
عزكم يا العوده اللي تكسـرون الشنـه
وعزنا بالديـن حنـا شيخنـا سلمانـي
الخوارج حوطونا مثـل سـور العنـه
عذرهم رايين لازم واحـد مـع ثانـي
وآخـر الاراء شفتـه واحتقرتـه لنـه
الدليل اللي يؤكـد نزغـة الشيطانـي
ودهـم ان العـذارا يركبـن الـدنـه
ويتمشن بالشـوارع كـان بالامكانـي
علموا راع المعارض كان يبغى الجنـه
لا يبيع الا الرجال وعلـم الحمرانـي
والله ان البنت والله لـو تسـوق بفنـه
ان تصيـر بمملكتنـا ثـورة الشبانـي
وان تشن الحرب شنه ما وراها شنـه
وان يصير الزيت واللي يطلبن مجانـي
لا تقيس الدار هاذي مـع ربـوع فينـه
ولا تقارن هالشبـاب بواحـد لبنانـي
أبـك ذولا مجرميـن وعالـم منجنـه
عشقهم لحم الجمال وطبخـة الضبانـي
الهلالي مثل شكلي لـو يجـن ينخنـه
في عطال القيـر والا قفلـة البيبانـي
في طريق مظلـم مـا للموبايـل رنـه
مقطعه ما فيه حوله مرمـرة سكانـي
وش يسوي يا جماعه ؟!.. الله اعلم انه
يفتح المصحف ويقرا سورة الرحماني!
علم الزلفـه يوقـف لا نخيـب ظنـه
فالقصيد اللي بحـده خنجـر عدنانـي
ايه شاعر والدلاله كسـرة فـي سنـه
لأنعمى ينطح بوجهه نطحـة العميانـي
الله اكبر يا قرى مكه ويا اهـل السنـه
عرضكم اصبح نقاش لواحـد علمانـي
الشاعر السعودي ياسر التويجري
____________________
__________________
تخيلـوا لـو الحريـم بيسـوقـن
ونلقالهن في كل شـارع طرايـف
تلقا العجايـز فالشـوارع يـدورن
وسيارة الاسعاف ترقـب حتايـف
وليـا تأخرنـا دقايـق يصيحـن
ثم اركبن فـوق المواتـر ولايـف
وقامت تكبسلـك بالانـوار ياهـن
بين اخوياك وصرت محرج وخايف
وتخيلـوا لـو ذات يومـاً يمـرن
عليك دوريات والجمـس طايـف
ويوم اطرحوه يصير موقفك محزن
تلقا العجوز مكلبشـه ياحسايـف
وتلقا البني في كل جلسـه يتكـن
طقة بلوت ومعهن الكيـف كايـف
هذي تبا تحكم وهـذي تبـا صـن
والبيت ضايع دون طبخ وغرايـف
ياللي ذنوبك فوق راسـك يحنـن
اللـي فقلبـك طلعتـه الشفايـف
انظارنا من فوق فكـرك يشوحـن
ونشوف شيٍ ماتشوفـه ياهايـف
حق المره ياشيخ تلعب على من !!
خبلان حنا قلي ويش انت شايف ؟
وين انت عن صوت الارامل ينوحن
وين انت عن حق المره فالوظايف؟
وين انت عن جملة بناتٍ يضيعـن
وين انت ياراع العلوم النصايـف ؟
لوهي بيديكم كـان قلتـوا يغنـن
لكن صدمتـوا فالجبـال النوايـف
من دونهن حنـا وفقلوبنـا هـن
الطاهـرات الساجـدات العفاايـف
والمسأله لاصار لحقـت شرفهـن
يروح فيها يا آل زلفـه طوايـف
هذا كلامي واسمعه زيـن واذعـن
قلته ولاني مـن تواليـه خايـف
قلته واباقف وارفع الصوت واعلن
ارادة الامـه علـى لسـان نايـف
ماهو تخلـف لارفضنـا يسوقـن
راس التخلف لاتركنـا العطايـف
الشاعر / نايف بن عرويل العتيبي
أنه يعارض قيادة المرأة للسيارات
دون أن أفهم أي سبب مقنع لذلك
هل لأنه رجل يقول ذلك ؟؟؟
ما أعرفه .. هو أن الرجل يحب أن يكون أفضل من المرأة دائماً
و يكره أن تتفوق عليه .. أو حتى تساويه في بعض الأشياء
بصراحة .. "عرويل" هذا .. كان "يعرول" عالفاضي
تحياتي
Mido