شلونكم
بدي ازا ممكن طريقة المكمورة
وهي اكلة شعبية قديييييييمة
عبارة عن عجين طبقات وبين كل طبقة واثانية دجاج محموس بالبصل ويخبز بمخبز الطابون او الفرن
وفي كمان اكلة ثانية وهي الرشت بالعدس
اكيد الفلسطينيات بيعرفوها
أنا فلسطينية بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما بعرف لكن جاية أقولك من غير عياط ما تقلقى هالوقت الخير كله جاى وأكيد حيدلوكى ويدلونى كمان على الطريقة
أنا اللى بعرفه فقط اسمها اللى هو المكمورة لكن الباقى………؟؟؟؟؟
والله طعمها بيجنن مو
هي تشبه كثر المسخن
بس الحلو فيها انه الدجاج بينكمر بالعجين
والعجين بيتشرب زيت الزيتون
الرشت بالعدس امي الله يرحمها كانت تعملها بس عندنا اسمها كان غير مش فاكرة شو بالضبط لأنني ما كنت احبها عشان هيك ما كنت سائلة بذكر هي عبارة عن عجين مقطع طولي وعليه عدس حب
بس كيف المقادير والطريقة ما بعرفها
تعرفي هاي أكلة شعبية قديمة وشغل ستات كبار
سوري حبيبتي ما أقدر أساعدكِ
حتى المكمورة ما بعرفها
حسرة علينا مش معدلات
فضحتونا قدام الاجانب 
حبيبتي تفضلي الطريقه حسب طريقة الاخت زينب الله يجزيها الخير يارب
السلام عليكم
تكرمي اختي وهذه طريقة المكورة :
المقادير
_عجينة مكونة من طحين أضيفيله القليل من الملح واعجنيه بس خليه شديد وليس رخو وما تحاولي تزيدي ميه كثير ممكن اقربلك بأن احكيلك انها قريبة من عجينة الشيشبرك .
___دجاج مقطع مع العظم ومسلوق بماء وبهارومملح …اسلقيه واتركيه جانبا .نصف سلق.
____بصل مقلي ضعيه جانبا.
_____لوز مقلي .
________بهار وخصوصا السماق .
العجينة خذيها بدون تخمر وقطعيها كور افردي كل كرة حتى تصير رقيقةاحضري طنجرة عميقةوادهنيها بالزيت وافردي اول عجينة وادهني وجهها بالزيت وضعي العجينة الثالثة والان احضري الدجاج بعد ما تكوني حمرتيه بالفرن ومخلوط بالبصل واللوز والبهار واذا بتحبي ليمون ضعي طبقة من هذه الخلطة وغطيها بعجينة وادهني على العجينة زيت ضعي ثلاث طبقات من العجينة وافردي من الخلطة مرة أخرى وغطيها باربع دوائر من رقائق العجينة ضعي على وجهها ملعقة زبدة علشان تعطي لون كويس على الشوي حمي الفرن يكون ساخن كثير احضري قليل من الماء وصبيه على الوجة علشان ما تنحرق من الاسفل وغطيها وادخليها الفرن 30 دقيقة وقبل الإنتهاء بعشر دقائق اكشفي وجهها علشان تتحمر ولما تجهز إقلبيها على طبق واسع وقطعيها بسكين حاد علشان ما تتمزع…….واخر خطوة ابعثيلي صحن وصحة وعافية على قلبك …..
بس للامانه انا عمري ماسمعت عنها بالمررررررررررره 
كنت عارفة انه مافي حد بيفيدني الا انتو
مش غريبة عليكي يا حلوة
يعطيكي الف عافية
المنقذه انتى دايما
طبعا بتسلقي العدس اللي هو عدس الاسود اللي للمجدرة طبعا بتحطي ملح ورشة بهار ورشة كمون وبعدين بتكوني عاجنة عجين عادي طحين حسب الكمية اللي بدك تعمليها ورشة ملح وماء وبتعجنيهم وخليها جامدة شوي مو عجينة طريةوبتبدئي ترقي العجين وتقطعيه بالطول وتضيفي على العدس مع التحريك لحد ما تشوفي الكمية المطلوبة وخليهاتغلي شوي لمدة ربع ساعة أو عشر دقائق وخلص بتحطيه في طبق التقديم وبتقلي بصل شرائح وبتزينيه وفي ناس بحطو خبز مقلي كمان وصحتين وعافيه ………………..بصراحة شهيتو فيها وزكرتوني فيها كنت ناسياها .. ماما كانت تعملها في أكبر حلة عنا بالبيت لإنو كانت كل وحدة فينا تاخد صحن لبيتها ونوزع للجيران كإنوعنا عيد لما بتعملها ماما ………………. تفضلوا حعزمكم عليها…..
طيف ما قصرت اعطتك طريقة المكمورة
وهاي طريقة الرشتة بالعدس
**** الرشتة بالعدس ******
وفي الخدمة دائما