بنات لو سمحتو ممكن تعلموني طريقه التشيز كيك الصحيحه اناعندي طرق كثيره بس كلها فيها اجتهادات واضافات وانا ابي الطريقه الاصليه مثل الي في الفنادق
وشكرا
شوفي طريقتي…مررررره لذيذه
جيبي بسكوت دايجستف….العلبه الكبيره واطحنيه….وحطي عليه اصبع ونص زبده
وحركيه على النار لما يعطي البسكوت لون اغمق شوي من لونه العادي…وعشان تعرفين ان الزبدة مضبوطه لازم يكون البسكوت عجينه وحده اي قطعه وحده وانتي تحركينه
وبعدين تحطينه في صينيه متحركه….وتضغطينه فيها
الطبقه اللي فوق…..جيبي 2جبن فلادليفيا مقاس كبير مع اربع مظاريف دريم وب ونص كوب حليب….واخلطيهم بالخلاط
وحطيهم على طبقة البسكوت …بس اهم شي يكون البسكوت برد
وبعدين حطيهم بالثلاجه لما يبرد…..
واذا شفتي ان الطبقه اللي فوق برد حطي عليه الفاكهه المعلبه(فراوله او توت بري)
وبس ………وبالعافيه
الطريقة والمقادير :
بللي بسكوت شاي بالحليب السائل ويرص في صينية زجاج
ثم اخلطي في الخلاط 1قشطة + 1كيس دريم ويب+ 2حبة جبن كيري+2علبه حليب نستلة صغير
اخلطيهم حتى ينتفش ثم دوبي 3 ملاعق جيلي بالفراولة في فنجان صغير فيه ماء حار واسكبيه فوق الخلطه واخلطيهم ثم ضعي نصف الخلطة فوق البسكوت
بللي مره اخرى بسكوت ورصيه فوق الخلطة ثم ضعي الخلطة المتبقية وضعيها في الثلاجه حتى تتماسك جيدا
اعملي الجلي بإضافة كوب ماء حار وربع كوب ماء بارد ويدوب فيه الجيلي
ثم يوضع فوق الكريمة ويعاد مرة أخرى في الثلاجة حتى تتماسك طبقة الجيلي
وبألف عافية
