ازيكم عاملين ايه معلش ليه زمن مانزلتش موضوع فى الركن الجميل ده
كنت بولد ورجعت ( ليه 4 شهور ونص والده) فازادت المسؤوليه فى البيت والاولاد الله المستعان الحمد لله
المهم البيتزا دى جميله جدا بصراحه حبيتها عن اللى بالفرن وكمان مابتخدش دقايق على النار
ولازم تكونى واقفه عليها ماتروحيش بعيد
الاول اقولكم على حاجه الزيت فى العجينه مش هانضعه مع المقادير لا هانعجن بيه العجينه بعد ما نعجن كل
المقادير ونسيبها تخمر وبعدين نعجن تانىبالزيت ماشى ( علشان ماتقولوش انى ماقولتش ) قد اعذر من انذر
حبيباتى المقادير
3 كوب دقيق المخصص للمعجنات
قطعه خميره بيره فى حجم البندقه مدعوكه مع ملعقه صغيره سكر وربع كوب ماء ونتركها 10 دقائق
نص ملعقه صغيره ملح
ماء حسب العجن
2 ملعقه كبيره زيت زيتون على جنب مش هانضعها مع المقادير
نعمل حفره فى وسط الدقيق ونضع الخميره والملح وشويه ميه ونعجن كويس وناخد من الميه على حسب العجن
حتى تتكون عجينه لينه لا تلتزق باليد
ثم نغطيها و نتركها ترتاح ساعه وبعدين نجيب الزيت وندعك بيه العجينه كويس قوى حتى يندمجوا كويس وتصبح
عجينه لينه طريه لا تلتزق باليد ونقطعها قطع صغيره قد اليوسفى الصغير ونرش عليها رشه دقيق ونغطيها
ونتركها ترتاح ساعه او ساعه ونص ( عارفه هاتنفش قوى )
ده بعد التقطيع وقبل التخمير
دى الصلصه عملتها فى البيت بسيطه جدا جبت طماطم وقطعتها مكعبات صغيره ووضعت معاها زيت زيتون
وشويه صلصه السائل برضه عملتها فى البيت و رشه اوريجانو وملح حسب التذوق وسبتها تتسبك وبس
وهنا بعد ما خمرت وفردتها وخرمتها بالشوكه من الوسط الاطراف لا ولا نتركها تختمر مره كمان على الصاج على طول
على الجهه التانيه ولما الجهه التانيه برضه تبقى وردى نقلبها على طول و نضع
زنضع الصلصه
ونضع الجبنه الموزريلا المبشوره ونعلى النار شويه علشان تتحمر من تحت وبس
وده الحجم الكبير
ودى بيتزا بالتونه
ودى بيتزا رفيعه بس تحفه تحفه تحفه بالصلصه و الجبنه البارميزان
و يارب يعجبكم
تسلم يديك يا رب
يعطيك العافيه يا غاليه
جزاك الله كل خير