تجمع المغتربات في المانيا والسويد والنروج والدنمارك وباقي اوروبا الجزء الثالث 2024.

كيفكم

انا كتبت تعليق في الجزء الثاني وبعدين ما لقيت ردود فخمنت انو ممكن يكون في جزء ثالث وهادا اللي كان

كيفك نبوعة مبروك الجزء الثالث كيف او لادك الحلوين انشاء الله مش مغلبينك طمنينيا عليك ليش دخولك قليل انشاء الله ما في اشي صعب عندك او مشكلة اذا بنقدر انساعد قوليلنا

توريا كيفك وكيف الحمل معاك في الصيف شو هالضيافة الحلوة هاي ياريتنا عندك ونضيف منها كلك ذوق والله

واحة ما تقلقي انشاء الله خير بس ضلي تابعي مع الدكتور وطمنينا عليك بعدين المانيا شاطرين والخير كله بايد رب العالمين وقلوبنا معك

ام سارة وينك طولتي الغيبة شو اخبارك ومبروك لحمزة وانشاء الله تفرحي لاولادك كلهم يارب

ام حباب كيفك والله اشتقنالك كيف الجو بستورد وشو اخر المستجدات عندك وكيف اولادك انشاء الله بخير شو عاملين بالصيف في نشاطات ولا قاعدين زي حالتنا

ام رامي كيفك وكيفو رامي
ام ريوضي كيفك طولتي شكلك كتير مشغولة الله يعينك على النقل

يسومة الحمدلله اطمنا عليك الله يقومك بالسلامة يارب وتفرحي بشوفة البيبي ويكون وجه رزق وخير عليكي يارب
والى جميع الصبايا تحياتي الكم
سلام

هلا توريا القمر كيفك يا عسل الله يقويك ويقومك بالسلامة ويفرحك بشوفة البيبي ومبروك عليك الاغراض وتهريهم بعرق العافية

انا يا توريا ما لحقت موسم التخفيضات لانو انا بعيد عن المولات بس زوجي مرة راح والاسعار كتيييييير رخيصة يعني بنطلون جينز كتير حلو ب 50 كرون يا بلاش عن جد كتير حلو بس للاسف بعاد عن المولات يلا مش مشكلة انشاء الله الامور بتتسهل

المهم ديري بالك على حالك وارتاحي واسترخي واشربي عصائر طازجة وخلينا نسمع عنك كل الاخبار الحلوة

باقي الصبايا وينكم شو في والله قلقتونا عليكم

كتبت بواسطة ♥ نبعة الريحان♥

والله يا ام جود نفسيتي تعبانة جدا مشاكل اهل زوجي مدوختني كلش ومالي خلق لشي الله العالم

هلا نبوعة حبيبتي وسلامتك يا غالية ، كله ولا تعب النفسية ، لا حبيبتي ما تخلي المشاكل تأثر عليك وبدي قولك ياها مختصر مفيد كل نسوان العالم لازم يمروا بمشاكل مع اهل زواجهم هاي ترى كورس اساسي في الحياة الزوجية (ههههه) انا بحاول اخفف عنك انا عارفة حبيبتي والله صعبة بس الحل السحري لهالموضوع هو التطنييييييييييييش ما تفكري ابدا بالمشاكل لانو هيأثر على بيتك وعلى زوجك وصدقيني وخصوصا اذا كنت انت الكنة الاولى بيكونوا الاهل ما عندهم خبرة في التعامل معاها ومع الوقت الامور كلها بتمشي للاحسن طولي بالك حبيبتي واشغلي حالك وما تفكري في المشاكل لانو التفكير هيتعبك وارجعيلنا نبوعة الرائعة اللي دائما عاملة مثل الفراشة الحلوة الملونة اللي تنثر مرح وفرح وين ما حلت ماشي ما تتضايقي احنا كلنا معك واذا في اي اشي بنقدر انساعد فيه كلنا جنبك وحواليك حتى لو بالكلمة الحلوة

وبوسيلنا حمودي وسعودي الحلوين وروقي اوكي
سلام

المهم اطمن على الجميع ان شاء الله بخير
واحة امل
طمنينا ياقلبي اليوم ان شاء الله عليكي وعلى البيبي
ولاتخافي ان شاء الله مافي شي
مرة اخوي قالو لها الجنين فيه تشوه بالقلب وبعد الولاده مابان اي شي
لاتقلقي وسلمي امرك لله واستغفري وادعي
ويارب نسمع كل الخير اليوم

ام جود وجواد
الله يسلمك ياقلبي .. وصحتين وعافيه الدمسه
امبارح عملت ملوفيه بس خضره بالجاج ورز بالشعيريه
والله مافي احلى من اكلات لبلاد ^_^
واخباري الحمدلله كله منيح والبيبي بخير وحمزه وساره ولله الحمد
انتي كيفك وكيفهن اهل بيتك والاولاد

نبوعه
طولي بالك ياعمري مافي شي مستاهل
انتبهي لبيتك وزوجك واولادك احسن لك من كل شي
وسلمي امرك لله

ام رامي
وينك ياقمري انتي واخبارك

تورايا
كيفك ياقمري وكيف الحمل ؟؟ وكيفو النونو
متى موعدك ان شاء الله على خير

ام ريوضي
وينك ياقلبي انتي واخبارك ؟؟
ان شاء الله تكوني بخير انتي واولادك الحلوين

ام حباب
كيفك ياقلبي انتي ؟؟

بسومه
قلبي عندك طمنيني عنك ياقمري
واخبارك ؟؟؟ يارب تسهلها عليكي وتكون ساعه خفيفه منسيه

صبايا
والله وجودي بيقل شوي لانه سلفتي ضربتها سياره يوم الجمعه
والله وضع العيله مقلوب فوق وتحت وهي لغايه الان بغيبوبه بسبب نزيف في لدماغ
والله يستر وعندها شلل نصفي بسبب نزف الدماغ
امانه امانه دعوة بظهر الغيب للغاليه ام احمد
ربي يرفع عنها ويحفظها ويحميها لنا وتقوم لنا بالسلامه
لاتنسوها بدعواتكم الطاهره امانه
والله الحال عنا مايعلم فيه الارب العالمين

وسامحوني لاني فضفضت لكن
ولاتنسوها امانه دعوة بظهر الغيب
وان شاء الله بطمن عليكن كلكن حبيباتي

هلا حبيبتي ام حمزة وسارة

نورت بطلتك الحلوة والحمد لله اطمنا عليك

الف سلامة على سلفتك ام احمد والله يقومها بالسلامة يارب قلوبنا معاها ولاحول ولا قوة الا بالله العلي العظيم