تصرفي صح ولا غلط مع حماتي وابنها المنغولي ياليت يتثبت لانها مشكله كبيييره 2024.

اولا مشكلتي كبيره من ناحيتي انا وابي اشوفها من ناحيتكم انتوا بس امانه تحملوني لاني لازم اوظح لكم الصوره عدل..

يالغاليات السالفه ان حماتي ( زوجة خال زوجي ) بس زوجي وخاله مثل الاخوان وعلشان كذا سميتها حماتي يالغاليات قصتي ان حماتي عندها ثلاث بنات وثلاث صبيان وواحد من الصبيان منغولي وبعد مايتكلم مع العلم ان عمره 10 سنوات والمشكله كان الصبيان يصاحبون اولادي ويزورونا في البيت اولادها الكبير 11 سنه والثاني المنغولي 10 والاخير 4 وانا اولادي 9 و 8 وكانوا لما يزورونا ماكان عندي اي مشكله بس مع الايام صار الكبير ماعاد يزورنا وبقا الاثنين يزورونا ومع الايام انقطع الاصغير وقام يزورنا الولد المريض وكان برفقت خدامته وبعد فتره قاموا اهله يدزونه علينا بدون خادمه مع العلم انه يسوي اشياء خطره لان مره كان بيحرق دوانيت اهله يعني لازم يكون مررراااااقب مع العلم ان عيالي مايفهمون له بس اطفال وكانوا يلعبون معاه بس اكتشفت ان عيالي قاموا يقلدون تصرفات المنغولي وطريقة حركاته والاحرف المقطعه لدرجة انهم قاموا يقولون نبي ندخل معاه المدرسه ومن هنا انا حاولت اني ارفض ان مايزورنا هذا الولد لان عيالي تدمروا وكتشفت ان كان مره من المرات قالت الام ان ولدها الصغير قام يقلد حركات ابنها المنغولي ولازم اعزلهم عن بعض وحتى الابو كان قايل لزوجي نفس الكلام وفهمت من هنا انهم بيعزلونه ويجيبونه عندنا كل يوم من الساعه 12 الظهر لحد الساعه 10 باليل ولا وبعد انا اللي اوديه وقاموا يتصلون كل يوم وباليوم الواحد ثلاث مرات انهم بدزونه لنا بس الصراحه كنت اتعذر بالدراسه ولامتحانات ولو اقولكم شي ماراح تصدقون كنت انا وزوجي وعيالنا طالعين ولما رجعنا لقينا الولد مع السايق ينطر عند الباب وقالي السايق انا رنيت الجرس ولا في احد رد ورجعت البيت بس معازيبي قالوا اقعد عند الباب لحد مايرجعون الصراحه انصدمت وقل لسايق رجع الولد البيت لان عندنا دروس وبندرس………

خواتي هذي مشكلتي والصراحه انا ماابي اخسرهم ولا اقدر افاتحهم بالموظوع واحس انه زعلانين من تصرفاتي لولدهم مع العلم ان مره من المرات قلوا لي عيالي لما كانو يزورونهم كانوا يحطونهم بالغرفه مع المنغولي والسيلانيه ويقفلون الباب والولد اللي عمره11 كان ياخذ اخوه اللي عمره4 ويقعدون بالدوانيه ولما يطلبون عيالي انهم يقعدون بالدوانيه يرفظون يقولون لا العبوا مع فلان ( المنغولي ) شنو قصدهم هل بعزلون عيالهم والمصيبه الظحيه عيالي

الله يوفقكم هل تصرفي صح ولا غلط

تحياتي

مااقولك اعزلي اطفالك عنه لا خليه يلعب معاهم بس مو لهدرجه طول الوقت عندكم

لازم اهله يتحملون مسؤليتيه بكره لاصار فيه شي وهو عندك اللوم بيكون عليك

اما انكم تعزلون اخوانه وعيالك عنه مايصير بس تفهمونهم انه هو ماهو طبيعي وتنبهونهم انهم

مايقلدونه لانه هو تعبان طبعا الكلام ذا ماتقولونه قدامه

اولا…. حبيت اوضح لكم كذا شغله وهي ان زوجي يقول مستحيل اكلمهم بهذا الموضوع لان هذا شي يجرحهم والصراحه فعلا هم مومعطينا فرصه ان نكلمهم بهذا الشي

ثانيا…. بالنسبه اني قطعت الرحم لا والله بس يالغاليات هذا شي فعلا اثر على اولادي وكان قبل لما يلعبون جماعي ماكانت عندي مشاكل بس المساله وصلت انهم يرفظون انهم يلعبون مع اولادي ويفرظون عليعم اللعب مع ابنهم المريض.

ثالثا…. قسمن بالله اني اعامله احسن معامله وهذا ابتلاء من الله سبحانه بس افهموني هذا اثر حيل على اولادي ويالغاليات المشكله انه مايعرف يتكلم وهذا اثر على اولادي .

صدقوني لو ماشفت انهم يعزلون اولادهم ويجبرون اولادي على اللعب معاه كان ماهمني وفوق هذا اولادي صارت حركاتهم مثل حركاته وكلامهم… يابنات اطفالي بهذا السن يبيلهم شي ينمي عقولهم وانا اكتشفت انهم عقليتهم ترجع للورا.

احترت ولا باليد حيله

تحياتي

ليييييييييييييييييييييه !!!!!! 57 دخول وبس خمس ردود

يابنات هل مشكلتي بسيطه علشان كذا ماتردون.

تحياتي

لو بحرف واحد بس ساعدوني.

2/بدون أن تسببي أي مشكلة أخبري والدا الطفل انه يجب أن تكون بصحبته خادمة وخاصة لأمر النظافة الشخصية لكي لاينفر أطفالك منه عندما يصدر منه تصرف خارج عن إرادته مثل التبول على نفسة,نظافة الأنف ,وهكذا

3/بالدرجة الأولى تصرف والداه خاطيء تماما لأن هذا الطفل من عند الله يجب عليهم حسن رعايته ولكن يبدو أن رؤيتها لة يشعرها بالإنزعاج لاأدري كيف يقال عنها أما .ولذلك المتضرر الأول هو ذلك الطفل وصدقيني لديهم أحاسيس ومشاعر ويعرفون من يحبهم ومن لا يحبهم.وعند الله لايضيع شيء

4/أخبري والدتة أنه من الغلط ترك ذلك الطفل مع السائق لوحدهما ,منعا للتحرش الجنسي وياما سمعنا وشفنا حالات من هذا النوع. ولو أرادت إرساله عليه الأتصال أولا كي تضمن وجودكم .طبعا بصورة لبقة.واللبيب بالأشارة يفهم .

5/لاضرر من لعبة مع أطفالك ولكن لمدة محدودة لأن لديهم نشاطاتهم التي يريدون ممارستها) أخبريها بهذا الشيء ولايوجد بهذا الموضوع مايستدعي الزعل