ترى هذي اول مره اشارك اهنيه ويالله عاد لا اتفشلوني
والحين اقولكم السالفه
السنه الي طافت اختي الصغيره ادخلت اوله ابتدائي وطبعا انا واختي الي بالمتوسط واخوي كنا مستانسين عليها
طبعا اختنا الصغيره ( الي كانت صغيره بس الحين انشالله في وراها واحد الله يستر عليه منها قولو امين ) 
بعد تقريبا اسبوع واحد من بداية المدرسه انا اكتشفت شي تدرون شنو
بعد اشوي
يالله الحين اقولكم
مره كنت نازله للدور الارضي وكان وقتها الظهر فرحت للمطبخ لاني كنت عطشانه
انا بس دخلت المطبخ والله لا يوريكم لقيت خدامتنا الاندنيسيه منبطحه على الارض وحاطه تحتها فراش واتحل واجب الانجليزي ( عندنا بالكويت انا ندرس الانجليزي من اوله ابتدائي ) مال اختي واختي قاعده على الكرسي ومعاصا عصايه اري من وين جايبتها ( يعني امسويه مدرسه )
والله يا بنات كانت اشكالهم اتضحك الا اتموت من الضحك انا بس شفتهم حسيت ان نفسي راح ابسبت الضحك الي ضحكته ولم سألتها ليش سويتي جذي تدرون اشقالت
قالت بالحرف ( عادي شيصير اذا خليتها تكتب واجباتي اصلا اهي تكتب لي الواجب دايما اذا ماكان لي خلق وما تقول شي ) قالت لي ( أماااااااانااااااااه لا اتقولين لامي عشان اجيب لج بريد معاي من المدرسه ) <===== يعني ابترشيني الحين عشان اسكت ( لان امي اهي الي اتدرسها )
بعد تقريبا ثلاث ايام تقريبا شافتها اختي الي اصغر مني مع خدامتنا هالمسيكينه تكتب لاختي الصغيره الواجب مره ثانيه وبعدين علمنا امي وطبعا لانها هي كانت اخر العنقود امي ما عاقبتها
بس قالت لها ( ماما حببتي عيب جذي مايصير بعدين اتطقج الابله ) <=== خوووش عقااااب 
والله انا موكاسر خاطري الا أسماء الي تشتغل عندنا والله اثاري اختي هذي مو سهله 
يالله يا بنات قولولي اشرايكم بمغامرات اختي 
هي هذه البراءة والطفولة رائغة ومضحكة
بس لو انا ابلتها كان خليتها تعيد كل الواجب
اختي ام احلام : واللله يا ام احلام انتي بس لو شفتي المنظر على الطبيعه كنتي راح اتموتين من الضحك وبعدين شلون تبين الابله اتعاقبها وهي امخليه اسماء تكتب فس خطها
بس ما عليج اخر مره كشفناها امي خلتها اتعيد الواجب
بس الصراحه والله شي يضحك 
على العموم خواتي ايمان وام احلام كفوا ووفوا الله يجزيهم الخير قولوا امييييين
وبما انها الصغيره والمحبوبه فعليكم بتشجيعها، يعني اذا عملت الواجب بنفسها تمدحوها وتكافؤها لتشجيعها حتى تتفوق في حياتها الدراسيه.
بس الحين راحت عليها هي مو الصغيره هي كانت الصغيره وانشاله في طفل بعدها
الغالية … قطرة ندى
كيف حالك ….. من زمان ما شفت لك موضوعات وينك؟؟؟؟؟؟
والله اختك هذي مو هينه ماسكتلي عصى بعد خـــــــــوش عشان تخوف الخدامة وما تـفتن عليها
وربي ما يستهان فيهم هالمفاعيص تطلع منهم بلاوي
لما كنت اصغيره كنت لكما اخلص سطر من سطور القطعة وتكون طويلة كنت انقز على القنفات اكافء نفسي يعني
هههاهي
وصديقتي كانت تحلف على نفسها ما تطلع لين تخلص جزئيه معينة وتقعد تكمل بعدين تطلع تاكل
او تسوي اي شي وترد تكمل المطلوب
سالفة اختك حلوه
الله يخليها لكم ويخلي المولود الجديد
أختك الإسلامية
شفتي سوالف هالمفاعيص اشلون
بس مسكتها للعصا مو قصدها انها تضربها لا هي يعني الحين امسويه نفسها مدرسه الله يخليها لنا انشالله