السلام عليكم ورحمة الله تعالى وبركاته أخواتي مساء الخير أرجوا من كل وحدة عندها طرق عمل عجينة الشخشوخة بكل أنواعها أعني التريدة وشخشوخة الظفر إلخ….. تتفضل وتخبرني عن الطريقة بالتفصيل الممل .مستنياكم جزاكم الله خيرا
أن شاء اه الأخوات يفيدوك
جيت برك نسلم عليك ونرحب بيك أختي أناتاني من الجزائر لكن ساكنة في الإمارات
كاين أخت جزائرية حاطة طريقة الشخشوخة ممكن ترو حي لرك الإيخاء والترحيب تتعرفي على جزائريات بزاف تمه
انا كنت حطيت الشخشوخة من قبل وبالنسبة للعجينة فهي عبارة عن سميد و شوية ملح وماء للعجن عند حصولك عتى عجينة متماسكة اتركها ترتاح شوية وبعدها قومي بالعجن جيدا دون اضافة ماء ثم اعملي كويرات صغيرة وغطيها واتركها تنزل او ترتاح ثم حليها بواسطة الحلال وطيبيها في طجين تاع النحاس او تاع الطين كيف كيف ومنبعد شخشخيها
اما بالنسبة للتريدة فهي نفس الطريقة لكن التريدة ماطيبش ، تحليها بالحلال والنشاء حتى تصبح سمكها 1مم خليها تنشف شوية ثم قطعيها الى مربعات صغيرة في حدود 1سم
ارجو ان يكون شرحي واضح
أختي om-raid أهلا وسهلا وأنا ثاني نسلم عليك ونرحب بيك ومعرفة خير إنشاء الله
أختي mazina شكرا لك أما عن الشخشوخة أنا نعرف الطريقة وشكرا على طريقة التريدة بس سؤال كي ما طيبش تفوريها مبعد ولا كيفاش أرجوا منك التوضيح أكثر وانشاء الله توريلي كيفاش ندير شخشوخة الظفر مع التفصيل وجعل الله ذلك في ميزان حسناتك
1الشخشوخة البسكرية: دقيق قمح صلب ملح و ماء تبل العجينة تدريجيا بالماء المملح و تعجن جيدا حتى تصبح متجانسة تماما تترك1/4 ساعة ثم تشكل كريات صغيرة بحجم البيضة و تتدهن بالزيت و توضع في صينية مدهونة تغطى و تترك مدة أنا أتركها عادة30دقيقة في هذه الأثناء سخني طاجين( مقلاة كبيرة مسطحة أو محدبة على حسب ما يوجد في البيت) رشي قليلا من الزيت على الطاجين ادهني سطح العمل بالزيت و افردي العجينة قليلا ارفعيها باليد اليسرى و مديها باليمنى ضعيها على الطاجين رشيها بالزيت اقلبيها ثم اضيفي كرية أخرى اقلبي …هكذا
حبيبتي نهلة نسيتي التحوشي يعني بعد الطياب دوري العجينة الطايبة حتى يحمارو الحواشي و يمكن قصهم لان الحواشي بصفة عامة تكون خشينة و موفقة انشاء الله
كتبت بواسطة
oum lina 
حبيبتي نهلة نسيتي التحوشي يعني بعد الطياب دوري العجينة الطايبة حتى يحمارو الحواشي و يمكن قصهم لان الحواشي بصفة عامة تكون خشينة و موفقة انشاء الله
تصدقي حبيبتي أن شخشوختي حواشيها رقاق نسيت نقول بأن الفرد يكون على الأطراف أكثر من الوسط المهم مشكورة كاين شخشوخة تتعمد و تكون عندها حواف
حياكم الله يا احلى صبايا
عن نفسي انا اول مرة باسم هيك معجنات او فطائر
فياريت تفيدونا وتقدروا تصوروها علشان الجميع يستفيد من الوصفة وتكون في موازين اعمالكم ان شاء الله
وفي عنا مسابقة حلوة عن الاكلات التراثية للشعوب العربية يا ريت تقدروا تفيدونا فيها وهاي الرابط
http://www.lakii.com/vb/showthread.p…16#post6078916
حاضر علم و سينفذ بإذن الله
هلأ فهمت ليش وجهتي نداء لبنات الجزائر؟؟؟؟؟؟ ههههههههههههه الاسم غريب علي اول مرة بسمع فيهاا
ان شاء الله يفيدوكي البنات الجزائريات كل التحية والاحترام لاهل الجزائر الشقيق