السلام عليكم
انا جربت امبارح الحمد لله عجينه العشر دقائق وعملت منها صنفين وطلعو جنان
وبشكر طبعا كل الي نزلو تجاربهم للعجينه ووصفاتهم ليها
تعالو نشوف بقي تطبيقي
اولا العجيبنه مكوناتها
1 كوب دقيق
انا حطيت بدل المياه ولبن البودره كوبايه لبن كامل الدسم دافئه
ملعقه سكر
رشه ملح
ملعقه خميره
والمكونات دي حطتها في الخلاط وضربتهم وسبتهم بعد كده لمده عشر دقائق للتخمير ، وبعد التخمير حطيت عليهم كوبايه ونص دقيق واقل من ربع كوبايه زيت
للحشو
انا استخدمت جبنه حادقه لاننا بنحبها وعلي الوش دهنت بيض ( عليه فانيليا عشان الزفاره ) وحطيت حبه البركه وعلي فكره الصنف ده عندنا بمصر اسمه بوريه بالجبنه
اما للصنف الحلو وهو السينابون فاستخدمت قرفه علي العجين ورشه صغيره زبده وعشان افرد العجين كويس واعرف اشكل السينابون رشيت رشه دقيق وبعد مااستوي وخرجته من الفرن رشيت عليه لبن بالسكر
تعالو نشوف الصور ومستنيه رأيكم
ده بوريه بالجبنه
ده السينابون بالقرفه
السينابون مع البوريه
انا عن نفسي عجبني الصنف الحادق اكتر من الحلو مستنيه رأيكم وقولولي ايه الاحلي في عمايلي في الشكل
الطبقين احلى من بعض
انا جربت العجينة دى وفعلا روعةبمعنى الكلمة جزى الله صاحبة الوصفة خير الجزاء
وبما انى اول رد فانا هاخد الطبق الحلو احلى به بعد التراويح
وكل عام وانت بخير
ام احمد
نورتو الموضوع بردودكم وكلامكم الجميل
تطبيق روعه حبيبتى
وعلى فكره مع مرور الوقت حتتعلمى حركات واشكال روعه
بس مبدئيا شغلك جنان حبيبتى تسلم ايدك
ويالله ورينا الهمه
عاوزين تطبيق واشكال مختلفه
تتطبيق راائع جدا
ومنتظرين منك المزيد
تطبيق رائع
يسلموا ايديكي
تسلم ايديك ياقمر
وبالصحة والهناء