تعالو شوفو شوكولاتة العيد بالخطوات 2024.

طبعا اهم شيء انت محتاجه قوالب لصنع الشوكولا وهذه صوره من القوالب :

وهذه صوره مقربه عشان تعرفون ان القوالب مو ساده من الداخل:

هالقوالب تلقينها عند أبو ريالين .. ومشتقاته ..

تختلف عن قوالب الثلج انها خفيفه مثل ما تلاحظون ..

بالنسبه للشوكولا فتختلف من شخص للثاني حسب اللي يحب ..

انا اسويها بهالطريقه :

تحتاجين بسكوت هوبي ..
وهذه صورته جبتها من النت :

أيضا تحتاجين شوكولا بيضا أنا استعمل هذه :

تحتاجين مكسرات انا استخدم بندق .. واحيانا لوز حلو .. وهذه صورته :

>> شفتوا الفصفص ماله دخل بس لما رحت المهباج لقيت فصفص وردي اشتريت ورزيت فيه مع اني مااكل فصفص

وتحتاجين ملعقة متوسطه من زبدة الفول السوداني (بنت بتر)

تعملين للهوبي حمام مائي .. وتحطين ملعقة من زبده الفول السوداني .. .. حتى يذوب .. وتحطينه بالقوالب اللي فوق ..

طبعا تختلف ذائقه كل شخص ممكن تجرشين البندق وتضعينه مع الشوكولا في الحمام المائي ..

وممكن أن تضعين حبه بندق في الشوكولا وهي بالقالب ..

بالنسبه للشوكولا البيضاء .. تتبعين نفس الطريقه .. حمام مائي

وإذا ذابت وأصبحت سائله .. ممكن تتصرفين فيها على هالنحو :

تضعين نقاط بسيطه في القالب للشوكولا البيضاء ثم تسكبين الشوكولا العاديه > راح تكون النتيجه شوكولا عاديه وعليها طبقه شوكولا ابيض .

ممكن أيضا تضعين شوكولا عاديه بالقالب ووتسكبين قليل من الشوكولا البيضاء مجرد قطرات وتحركينها بعود الأسنان حتى يكون هناك مزيج أبيض واسود > لاتحركينها كثير مجرد كانك تعملين خطين أو 3 خطوط ..

ممكن تضعين في القالب شوكولا بيضاء وتميلين القالب حتى يستقر في نصف القالب ثم تضعين في النصف الآخر شوكولا عاديه .. فتكون النتيجه حبة شوكولا نصفها أبيض ونصفها عادي ..

هناك ناس يتفنون في وضع المكسرات .. كذلك البعض يضع توفي بداخلها .. أذكر وحده حطت بداخلها الكبك حق ثوب الرجال وفاجأت فيه زوجها > بغى تروح اسنانه فيها خخخ ..

ولمنع دخول الهواء ممكن تضربين بالقالب بعد ملئه ع الطاوله حتى لا يكون هناك تجويف هوائي داخل الشوكولا ..

إذا انتهيتي حطيها بالثلاجه حتى ما تبرد وراح تتماسك من نفسها .. واخراجها من القالب سهل جدا .. يكفي ان تقلبين القالب وتضربينه ضربه وحده وتطلع الشوكولا بسهوله ..

طبعا القوالب هي افضل شيء لها .. لكن ممكن تستعملين ورق البلنسيه وتحطينه في الثلاجه بس القالب طبعا اجود واكثر تماسك ..

وهنا صور لشكلها النهائي ..

واللي ماقد سواها انصحه يسويها ماتحتاج جهد ولا وقت وبتطلع شيء واو واحلى من الجاهز .

*البعض مايستعمل الحمام المائي يستعمل المايكرويف (والحمام المائي افضل والمايكرويف اسهل)
* ممكن تجيبين الكيت كات وتزيلين برفق الشوكولا الخارجيه وتقطعين البسكوت حقه صغار وتحطين في القالب حبه وحده بيطلع شوكولا محشي بسكوت .
*البعض يستخدم الجالكسي بدل الهوبي لكن الهوبي اطعم وأكثر تميز لان الجالكسي تعودو على طعمه الناس .
* انت ومهاراتك وذوقك في هالصنف حطي اللي تبغين فيها من مكسرات تشتهينها الى غير ذلك .

وعيدكم سعيد : ) ..

منقول