كيفكم صبايا اشتقتلكم كتير كتير
انا الي فترة مانزلت موضوع جديد انتم عارفين الاجازة والصيف بيكون الوضع غير
المهم انا اليوم حاقدملكم عزومتي المتواضعة جدا علها تنال اعجابكم
يعني كانت عزومة بسيطة وكلنا اهل مافيها احد غريب
انا حاتركم مع الصور ولا تؤاخذوني الصور كانت على السريع واولادي هم الي صوروا قبل ما اخلص
ارتب السفرة مضبوط المهم هي الي طلع معهم ان شاء الله تعجبكم
بالنسبة للاصناف الي قدمتها
1- محشي الملفوف ( الكرنب )
2 – محشي ورق العنب
3 – دجاج بحليب جوز الهند وهي الرابط
انا سبق ونزلته قبل هيك
4 – شرائح لحم الفيليه مع الفطر والفلفل الرومي وحانزله قريبا ان شاء الله
5 – ارز بالخضار وسبق نزلته بطريقتين انا عملته بالطريقة الموجودة في الرابط الاتي
و بالنسبة للمقبلات
انا عملت السلطة الملوكية للغالية ام فيء وحانزلها تطبيق باذنه تعالى وكانت لذيذة
وطبعا صحن مقبلات مشكله زيتون اخضر واسود ومخلل خيار و مخلل مشكل
وبالنسبة للحلو
عملت كرات جوز الهند بالشوكولا للغالية لبنان وحانزلها تطبيق كتير لذيذة مع القهوة العربية
طبق فاكهة مشكل
موز وتفاح ويوسفي وبرتقال
وطبعا فاكهة الموسم البطيخ ( الحبحب ) و العنب والدراق
وصحتين عافية للي اكلوا والف الف صحة للي بدو يشوف الموضوع
انا طولت عليكم اخليكم الآن مع الصور
انا كنت مرتبة الملفوف وورق العنب وغلفته بالنايلون علشان يبقى ساخن وورق العنب ما يسود
وهنا واضح دجاج جوز الهند والسلطة الملوكية
والملفوف وورق العنب وصحن المخللات
وهنا الرز الصيني بالخضار وزينته بخطوط من الصوص صويا
وهنا كرات جوز الهند بالشوكولاتة
وهاي الصور من تصوير وصوروها وانا لسة برتب اولادي ونسيوا يصوروا الفاكهة
والسفرة بعد الانتهاء من ترتيبها
وان شاء الله عما قريب انزل لكم تطبيقاتي وطبق شرائح اللحم مع الفطر والفلفل الرومي
ان شاء الله تكون سفرتي عجبتكم
وان شاء الله نكون من عباد الله الشاكرين
ودمتم حبايبي بكل الخير ولا تنسوني من خالص دعائكم يا حلوين
كتبت بواسطة عبق الورد 
شكرا حبيبتي على مرورك الحلو
كتبت بواسطة لبنان وحبايبه شكرا لبنان
وايديك يا قمر
اسعدتيني بمرورك و بردك الحلو
وينك ياعسل اشتقتلك كتير كتير كتير
شو اخبارك امتى رجعت من السفر وكيف كانت السفرة ان شالله انبسطتوا
الك وحشة كبيرة والله….
نرجع للأكل 
يسلمو ايديك بيشهي رائع كتير ماشالله
ام اللول بدي اسألك من زمان نفسي اطبق دجاج جوز الهند
بس مالقيت حليب جوز الهند شو ممكن استخدم بديل يا ام الافكار الحلوة 
مشكوووووووووووووووووووووووووووووره
الله يعطيك العافيه
كتبت بواسطة mahmouds_angel وينك ياعسل اشتقتلك كتير كتير كتير
شو اخبارك امتى رجعت من السفر وكيف كانت السفرة ان شالله انبسطتوا
الك وحشة كبيرة والله….
كيفك انجل وكيف بنوتك الحلوة انا كمان اشتقتلكم كلكم واشتقت لدردشتنا ولمتنا الحلوة وان شاء الله بترجع قريبا
انا جيت قبل حوالي 3 اسابيع والسفرة ماشي حالها هينا غيرنا جو بس قلوبنا علي في غزة
الله يهدي البال ويصلح الحال
نرجع للأكل
يسلمو ايديك بيشهي رائع كتير ماشالله
ام اللول بدي اسألك من زمان نفسي اطبق دجاج جوز الهند
بس مالقيت حليب جوز الهند شو ممكن استخدم بديل يا ام الافكار الحلوة
بالنسبة لحليب جوز الهند ممكن تضيفي حليب عادي ومعاه شوية جوز هند ناعم علشان النكهة
ممكن تلاقيه في قسم الاكلات الشرق اسيوية انا كاتبة هيك كمان في الطريقة الي منزلاها اضغطي
الرابط وشوفي
وشكرا على مرورك يا قمر ودمت بكل الخير
كتبت بواسطة تغريد2017 مشكوووووووووووووووووووووووووووووره
الله يعطيك العافيه
حياك الله اختي تغريد
انت بتشرفيني يا قمر
مكانك محفوظ مش بس على السفرة و كمان في القلب
ومشكوووووووووووووورة على المرور الحلو