كيفكم بنات حبيت اسألكم عن تنعيم اليوكو هل له اثار جانبيه و كم مدته لاني سمعت عنه كثير وتعرفون احد يسويه في المدينه او جده وكم سعره وتحياتي 
اليوكو مدتة ثلاث ايام ورا بعض اول يوم 6 ساعات وثاني يوم يمكن ساعة على حسب طول شعرك وثالث يوم نصف ساعة وخلال الايام الثلاثة هذي مفروض ماتحممي شعرك ولا يعرق ولا توصله رطوبة انا شفت في الصالون كم وحدة سوته ومرتاحين فية انا كمان عاملته بس انا حسيت شعري يتساقط بس سألت كم وحدة في الصالون قالوا انهم مايشتكوا من هذا الشي ممكن انا اصلا كل فترة شعري يتساقط بس احب اقول انه مريح لكن لاتتخيلي ان شعرك يصير حرير يصير افضل من اول بنسبة ثمانين بالمية لكن تحتاجي اذا خرجتي سشوار بس بالبيت لا وممكن اذا احد جاك على غفلة عادي لانة ماعاد ينكش ابد يعني بصراحة مريح وانا ماعاد اسوي سشوار لشعري الا اذا كانة عندي مناسبة وانا عملته عند الصالون اللي ماخذ وكالته وانصحك ماتعملي عند غيرة لاني شفت بعض الاخوات في الصالون وقالوا لي انهم عملوه عند غيره بس مانفع وجايين يصلحوة عندهم الصالون اسمه سلمى سنتر بالتحلية وهذا رقمة بجدة 026658915| 026600203
ارجو ان تجاوبيني بسرعه زواجي بالعيد وابي اسويه
كيف كانت نوعية شعرك؟
الاطراف واقفه؟ ولا طبيعيه؟
مشغل جاك ديسانج احسن ولا سلمى سنتر؟