تحياتي لكم أخواتي في الله
النهاردة حقولكم عل إختراع عملتو لأولادي مرة و من ساعتها لازم أعملو أسبوعيا"
و سميتو تورتة البودنج ………. طريقة سهله و بسيطة و إنشاء الله حتحبوها
المقادير : 2 كيلو لبن
8 ملاعق كبيرة نشا
8 ملاعق كبيرة نسكويك ( لو مش موجود ممكن تستبدليه بالكاكاو و السكر )
باكو بسكويت كبير ( يمكنك إستخدام بسكويت الشاي أو أي نوع بسكويت سادة )
الطريقة : ضعي اللبن بارد و حطي عليه النشا و بودرة النسكويك و قلبي حتى تمام الذوبان ثم ضعي الخليط على النار و استمري في التقليب لغاية ما يتقل و أول ما يبتدي الغليان إطفي عليه……..
بعد كدة هاتي صينية استانلس أو تيفال اللي موجود ضعي طبقة من خليط البودنج ثم رصي عليه البسكويت ثم طبقة بودينج تاني ثم بسكويت ثم طبقة بودينج أخيرة و في الآخر هاتي كام بسكوتة كدة و إطحنيهم و رشيهم على الوش ( زواق كده يعني ) و بعد كده دخلي الصينية في الثلاجة لمدة ساعتين ……
و بألف هنا و شفا .
يا ريت تجربوها و تقولولي رأيكم مش حتندمو و إدعولي………
أنا متأكدة إنها حتعجب الأولاد جدا"""""""""""
والله يخليك لاولادك ويحفظهم لك
بسسسسسسسسسس 2 كيلوووووووو حليب مش كتير ؟
انا بقول قصدك 2 كوب؟
هاي اكيد تعمل كمية كتيرة
وبارك الله فيكي على الوصفه