ابغى الكل يكتب جدوله في رمضان علشان الكل يستفيد
ومشكورين
وابصراحه فكره وااايد حلوه..
وإن شاءالله تعالى أنا ببدأ ..
أنا ابصراحه أخذت إجازه سنويه من الدواام بس عشان أتفرغ حق شهر الخير والعباده شهر رمضان المبارك
لأني ما بقدر أداوم الصبح وأرجع الظهر وأدخل المطبخ وطبعا ما أطلع منه إلا وقت الأذان
فأحسن شئ إني أخذت إجازه..
وطبعا كألاتي…
أول يوم في رمضان أقوم الساعه 3 عشان أسوي حق اعيالي سحور ومن المعروف أن أحسن شئ العيش والروب
وهذا ما تعودنا عليه في شهر رمضان بس ابصرااحه بيني وبينكم أول اسبوع تحصلين الجميع متشجعين ويقومون حق السحور بس بعدين تلاقين خلاص صار عادي عندهم لأنهم ياكلون طول الليل وما لهم نفس لأئ شئ
وطبعا أصلي الفجر وأجلس أقرأ قرآن لين ما تطلع الشمس وبعدها أجلس أدور لي شغله لين الساعه 8 وأقومهم من النوم حق المدارس ولما يسيرون أرقد لين الساعه 12 وبعد صلاة الظهر بعد أقرأ قرآن أشويه ومن بعدها أدخل المطبخ وأبدأ أجهز للفطور لين يأذن العصر واقوم اصلي واقرآلي حوالي أربع صفحات من الآيات وأرجع بعدها للمطبخ وأكمل لين المغرب وطبعا خلال هالمده أكون خلصت وجهزت الفطور على المفرش والكل مستعد ويالسين يتريون الأذان..
وبعدها أتريا أذآن العشاء وأجهز حق صلاة التراويح وأسيرالمسجد قبل الأقامه بربع ساعه عشان ألقى مكان
والحمدالله أخلص من الصلاه وأرجع البيت أستريح اشويه وأشرب لي عصير وبعدها أجلس أذاكر حق ولدي
وحواالي الساعه 10 أرقد وهذا طبعا إذا ما كان عندي شئ مهم أسويه
وعلى هالحال أقوم الساعه 3 نفس الشئ عشان أسوي سحور..
وهكذا طول شهر رمضان والحمدالله على كل شئ
وكل عام وأنتم بخير ورمضان كريم …
والسموحه من الجميع..