حكايتي مع الدونات و طريقة البنيي الرائعة ادخلوا ماراح تندمو و بالصور 2024.

سلام يا وجوه الخير

اليوم راح احكيلكم حكايتي مع الدونات, الحقيقة اني كنت كل مرة ادخل على المنتدى او ارى في التلفزة عنهم اتشهى و اقول يا الله لازم اجربهم ,و لكن ما جربتهم و مؤخرا لما رحت مع زوجي للمكة لاداء فريضة الحج و لقيتهم ما حبيت نجوز الفرصة و ذقت هاذ الدونات اللي دوخ الكل لاكي , و النتيجة خيبة امل فضيعة من حيث الذوق و الافضع انها في الداخل مملوءة بالعجين,
ومن ذلك الوقت قلت لازم انزلكم طريقة البنيي اللي بعملها مرارا و هي وصفة امي
جربوها خاصة اللي يحب الدونات وصفة رائعة و الاروع انها خفيفة و فارغة من الداخل جربوها و ادعولي لاكي

المقادير: لاكي

1كغ فرينة او طحين
100غ سكر عادي
100غ حليب بودرة
1ملعقة صغيرة ملح
3ملاعق كبار خميرة الخبز
150غ زبدة طرية
3 بيض
حوالي 2 كاس ماء دافئ

الطريقة:

نخلط كل المقادير حسب الترتيب الذي هو عليه في السابق لو كانت الخميرة المستعملة رقيقة نستعملها مباشرة اما اذا كانت خشنة فلازم نذوبها في شوية ماء دافئ ولما تخمر نضيفها الى المقادير و نخلط المقادير جيدا ثم نتركها ترتاح الى ان يتضاعف حجمها ثم نرش الفرينة في المكان الذي سنحل او نفرد العجينة و نحلها حتى تصبح حوالي نصف سنتمتر سمك العجينة المفرودة و نأخذ قطاعة دائرية او كأس المهم شيء دائري ممكن تقطعيها في الوسط ايضا كما الدونات و لكن انصحكم بتركها دائرية ونتركها تخمر ثانية الى ان يتضاعف حجمها مع العلم ان ترشي كثير من الفرينة تحت البنيي لما تقطعيه حتى لا يلزق لما تجي ترفعيه لتقليه.
لما يخمر مليح اي جيدا نسخن الزيت جيدا و تكون الزيت وفيرة ثم نرجع الزيت لما تسخن على درجة حرارة متوسطة و حرارة الزيت هي اللي تخلي البنيي ناجح ام لا المهم اضع البنيي في الزيت و نرمي عليها الزيت بغزارة حتى تنتفش اي تتفخفخ و نبقى نرمي عليها حتى تحمار و نقلبها من الجهة الثانية واذا ما نتقختش مليح في الزيت يعني ان الزيت سخونة فوق اللازم او انها باردة.
ولما تكملي ممكن تحشيها بالمعجون ان المربى بالشوكولا او الكريمة و ونغطيها بالسكر العادي وكل واحد حسب ذوقه جربوها واي استفسار انا جاهزة

وهذه الصور بعد القلي

لاكي