حلاوة الجبن
المقادير:
كاسه سميد ناعم
كاسه ماء
… كاسه قطر تقيل شوي
جبنه موزريلا او عكاوي 500 جرام
للتزيين فستق حلبي وقطر
طريقه القشطه:
2 قشطه قيمر
4 كاسات حليب سائل
كاسه سميد
ملعقة ماء الورد
طريقة القشطه بنحط كل المكونات على النار ما عدا القيمر وبنخليهم ليتقلو على الاخر وبعدين بنصبهم بصحن غميق وبنحط القيمر فوقهم وبنحرك ولازم تكون بارده تماما قبل ما نستخدمها
طريقه الحلاوة:
بنجيب طنجرةوبنحطها على النار وبنحط فيها القطر والمي وبنخليهم يغلو منيح وبعد ما يغلو بنحط الجبنه وبنستنا لحتى تذوب على الاخر و بنحط السميد بالتدريج وهون بتبلش المهمه الصعبة يلي هي التحريك بسسسسسسسسسرعه وبدون ما نوقف لحتى تصير متل العجينه وعلى السريع بنحط قطر بصينية مسطحة وبنفردها بالشوبك وبنحط عليها القشطه وبنزينها بالفستق الحلبي وبنخليها تبرد بالثلاجه وبعدين بنقطعها وبنحط القطر وبنقدمها
وهون بعد التقطيع
انا جربت مره طريقه لحلاوه الجبن وما زبطتت معي الحشوه بس راح اجرب طريقتك ان شاء الله
وتسلم الايادي يا عسل وهاي نصيبي
من أطيب الحلويات
بس الكسل ملازمني باكسل اعملها
سلمت يمناك يا بسمة
وصحتين وعافية
مررة روووعة
ان شاء الله اجربها 