ماراح تصدقي السرعه في تجهيزه أما الطعم يم يم
لما تقدميه يحسبوه إحنيني زمان من طعمه الشايب والعجوز والشاب كلهم راح يعجبهم
إمي تسوي إحنيني يهبل بس الحنيني إبتاعي يجنن بشهادة الوالد وجميع أهلي وأهل زوجي وزوجي أولهم.
زميل زوجي سمى الحنيني ( حنيني ملكي )
عارفه راح تقولوا وين الزبده كثرت عليكم الكلام بس والله ماأبيه يفوتكم أبيكم تسوونه قبل الشتاء حتى تتعلموا عليه.وإذا ماأعجبكم إدعوا علي.
المقادير:قرصان هرفي الناشف ,تمر منزوع النوى أي عبيط ,حليب سائل جاهز
إصبع زبده , عصير ليمونه
الطريقه:
يطحن القرصان بطاحونة القهوه ناعما
ويوضع مقدار من التمر المعبوط في مقلاة تيفال ويوضع عليه الحليب ويحرك على النار حتى يكون خليط غليظ ويجب تحريكه بملعقة خشبيه ونضع معه قليلا من الزبده مع تهدئة النار ثم نقوم بوضع القرصان المطحون قليلا قليلا مع التحريك المستمر بالملعقه حتى يكون ثقيلا يعني يشبه الحنيني
ثم نضعه في صحن التقديم ونضع عليه قليلا من الزبده مع الليمون بعد تسخينهما على النار
وبالهناء وألف عافيه.
وإذا عرفتوا تسووه ردوا علي حتى أقولكم على الحلى الثاني حق الشتاء
وتسلموا
وما دام عجب الوالد و الوالدة و الزوج بعد و اهله الله يخليهم لك فاكيد اكيد انه راااااائع
بس انتي حاطة بدون مقادير واللي ما كد سواه ما يقدر يقدر
كم نسبة القرصان المطحون للتمر والحليب هو حليب سائل عادي ولا المكثف ووووووووووووووولو تقدرين وما عليك كلافة حطي المقادير ما صدقت القى طريقة مريحة داااايم اتعب بتصليح الحنيني
ووووومشكوووووووووووورة
وعلى راي أخت مزن عطينا المقادير علشان نسويها وتضبط معانا
ومشككككككككككوره مــــــــــــــره ثانيه
لما تسويه ويضبط معك من جد راح تدعيلي ولا إدعي علي
هاه تراي أمزحبالعاده أنا أسويه بدون مقادير لأني شفت الطريقه بعيوني
أول مره راح تلاقي صعوبه بمعرفة المقدار وبعدين راح تسويه بكل سهوله
ليش يامزن ماتجي عندي وأنا أوريك الطريقه
بس على قولتك أول مره ماراح يضبط إلا بالمقادير
وأناراح أحط لكي المقادير تقريبيا.
ضعي بالخلاط التمر العبيط( ياعبيطه )
أمزحأو التمر المنزوع النوى وإذا كنتي نجديه خوذي هذي( المنزوع العبس )
كمية التمر ممكن تقريبا كأس تمر مع حليب السعوديه الجاهز 200ملم بعد تسخينه وما ينفع الحليب الي تسويه أنتي.
إخلطي التمر مع الحليب حتى يكون غليظ يعني يالله ينصب من الخلاط
ثم ضعيه بالتيفال مع ربع إصبع زبده وهدئي النار
ولما يبدأ ( ينبر) ماأدري تعرفي هالكلمه ولا لا المهم لما يسخن مره إبدئي بوضع القرصان المطحون بالملعقه على دفعات ومقدار القرصان حوالي كأس إلا ربع ويمكن يزيد أو ينقص إشوي
وإستمري بالتحريك بملعقة خشبيه حوالي خمس دقائق لإن القرصان ما يحتاج يستوي لإنه مستوي من قبل وبعد ذلك ضعيه بالصحفه حقت الأولين أو بصحن التقديم وضعي عليه الزبده مع الليمون بعد تسخينهما على النار
لاتنسين تعزميني على القهوه مع الحنيني لما يضبط
لوسمحتي اليمون هو اليمون الاسود وكيف طريقتة
قولي آمين الله يجزاك الجنة ووالديك كفيتي ووفيتي واذا سوته وضبط ابسميه حنيني قطوة ..قصدي قطوفة ( امزح عاد لا تزعلين )
وانا متأكده انه ان شاء الله يبي ينجح وانتي اول المعزومين من هالحين
واسمحيلي ارد على الأخت شهد الليمون هو عصير الليمون الطااازج ولا لا يا قطوف
اللهم أمين ولك بالمثل.والليمون هوالليمون الأصفر .
ليش تظن أخت شهد إننا نسوي كبسه