بنات الكويت ارجو منكم مساعدتي
انا عندي زواج اخوي بعيد الاضحى
ولا لقيت مشغل مناسب عندنا في المنطقه الشرقيه
وسمعت عندكم عن مشغل اسمه (لمسة فن)
للمصمم يوسف
ماادري ايش رايكم فيه وكيف سمعته في الكويت واسعاره وكل شي عنه
وياليت احد يجيب لي رقمه ضروري
ولو عندكم مشاغل حلوه وراقيه ياليت تزودوني بالمعلومات الكافيه عنهااااا
ولكم مني ومن بنات السعوديه كل التقدير
ومشكوره على ردك
انا بشوف جميع الاختبارات المطروحه
وبعدين بختار الافضل
انشالله البنات يفيدونج اكثر
ومبروك حبوبتي
بالنسبة لمشغل لمسة فن .. هو راقي ..
لكن عليه عدة ملاحظات ..
وهو إنك ما تروحين إلا بموعد مسبق .. كما إنك لازم تدفعين عشرو دنانير لمقابلة يوسف ناصر صاحب المشغل !!! يعني ما يعادل 120 ريال سعودي ..
كما أن موديلاته غالية .. يعني من 300 دينار وأكثر .. يعني أقل فستان بـ 300 دينار .. ما يعادل 3600 ريال سعودي .. <<< هذا السعر إذا كان الموديل من عندك ..
ويختلف السعر إذا كان هو اللي مصمم الموديل طبعاً راح يرتفع السعر ..
كما أن هناك ملاحظات أخرى عليه ما فيه داعي لذكرها .. ولكن أنا أجزم أن كل من ذهب له أخذ باله منها !! ..
بالنسبة لأرقام الهواتف فهي ممنوعة ..
لكن انا أعطيك مشاغل أخرى وقريبة لكم .. يعني قريبة من الشرقية ..
مشغل أميرة في الفحيحيل .. أيضاً مشغل بنت الديرة ..
مشاغل راقية وشغلهم وكأنه جاهز .. أيضاً أسعارهم جداً مناسبة ..
وما يحتاجون مقابلة ولا شيء !! ..
أيضاً أعطيك مشغل اسمه كاميو .. وهو تابع لمعهد التجميل كاميو بل هو نفس المكان .. وهو في الصالحية .. بصراحة شغلهم بالحيل راقي .. بل راقي جداً وهذا عن تجربة فأنا خيطت عندهم وجربت شغلهم ..
بنات الكويت ممكن تدخلون
بس مشغل بنت الديره وين صاير اي صوب؟
وفيه مصمم او مصممه والا لا؟
ناطرتج عيوني
بيض الله وجها دنيه وآخره يااااااااااارب
تسلمممممممممممون