من اولى الوصفات اللي حبيت اشارك بيها ولم ارضى تنتهي مسابقاتنا الحلوه بدون ما اضيف هذه المشاركه
خبز الكيزر
لأن الخبز يسمح بالرسم عليه بسهوله لتوفر المساحه الكافيه وشكل النصف كره يعطي هذا المجال
واتفضلوا السندوتش الراقي
وطريقة تقديم جديده جدا
بسم الله نبدأ
المقادير
4ك دقيق
م ك خميره (او طازجه حجم عين جمل)
م ك نيدو2
م ص ملح (انا بزود نص كمان)
م ك سكر 2
ربع كوب زيت
ك ماء دافئ للعجن
وانا بستخدم الملاعق والأكواب العياريه والميزان دايما
وبدائلهم معروفه الكوب الشاي المج ده معروف
وم ص بتاعة الشاي والكبيره للأكل
بسم الله نبدأ
بنخل الدقيق
وعليه بخلط النيدو والملح
والملح دي عليها كلام كتير ناس تقول الملح آخر شئ ولكن انا طريقتي بالخميره اني بخليها تتفاعل اولا ثم بضيفها يبقى الملح مش هيأثر على أدائها او تفاعلها صح
وهنا تفاعلت الخميره ماشاءالله وبقت روعه وجاهزه للعمل بها
وتقليبه بالملعقه للمواد الجافه
ونعمل حفره بالوسط لتجميع المواد السائله بالوسط
الخميره
قطعة خميره طازجه حجم عين جمل
وم ص سكر
ورشة دقيق (شفتها مره على ال تي في ولقيتها بتسرع جدا التفاعل وجربوها)
وتعجن كويس بضهر الملعقه حتى تنعم وتتجانس وبعدها الميه الدافيه
2 م ك مائ دافئ
ويقلبوا تماما وتغطى وتترك تتفاعل
لو مستعجله بمجرد عمل طبقه على الوجه رغويه دهنيه خلاص بشتغل بيها
لكن لو حابه تشوفي الشكل ده يبقى تنتظري اكتر
وعلى الحفره بوسط الدقيق وعلى الزيت كمان وقلبيهم مع بعض
ثم بالملعقه كمان قلبي كويس كله وزودي الميه شويه بشويه وتدريجيا طبعا ودايما دايما لا تضيفي السوائل مره واحده
يعني مثلا اكتفي بنصف كوب ماء
ولا تنسي ماء الخميره وكمان الزيت وكل دي سوائل
ولما تحتاجي زودي براحتك وحسب العجينه
عشان كدا العجينه تبقى زايده سوائل وتبقى مهما زودتي دقيق خرجتي عن العجينه الاصليه وعملتي منتج تاني خالص ممكن لا ترضي عنه
لكن لو العجينه جافه ومحتاجه سوايل تبقى اسهل بكتير وعن تجربه
وكدا حسيتي انك مش متأكده من السوايل كويسه ولا لا
ترفعي المعلقه خلاص خلصت مهمتها لمساعدتك
وبايديكي يا قمرنا
ولما تمسكي العجين ممكن تحسي غير المعلقه
الملمس يختلف
وتعجني جوه الطبق وتشوفي ايه الميه المناسبه كميتها تلم العجين وتخليها ناعمه كدا ومظبوطه واكيد
بتتأتى معرفتك بالظبط كدا مع التجارب اكيد
خلاص اتلمت العجينه وبقت كويسه كدا
يلا انقليها للرخامه واعجني بقى وهات يا لت وعجن
وممكن ترفعيها وتهبديها على الرخامه وتعجني تاني وده ممكن 5 الى 6 مرات لو تحبي
واديلو بقه بوكسات وفييييييين يوجعك طااااااااخ طوخ طييييييييييخ
تعجن جيدا
وتترك تخمر
تغطية العيش للتخمير
كنت بغطيها الاول بفوطه نضيفه وبس
ولقيت انها ممكن تنشف شويه من الوجه لكن مع التجربه لقيت كيس الاول وبعدين فوطه افضل النتايج باذن الله
ولو حابه تسرعي من التخمير ومستعجله تسخني الفرن على اعلى درجه ثواني يسخن وتطفي وتحطي ايديكي جوا الفرن وتحسي الحراره دافيه بس
لأن لو سخن اوي ممكن يبوظ العجينه تمام
ونفس الحكايه مع مراحل التخمير المختلفه
بعد التشكيل
وتترك تتضاعف حتى 3 اضعاف
وهتاحسي بالتخمر من الحجم طبعا وكمان تحسي العجينه بقت شفافه وده من الهوا اللي دخل للعجينه من التخمير وتفاعل الخميره داخلها
تنزلي العجينه
او تهبطيها يعني بدوووووون عجن
وعلى الرخامه نبدأ نقسمها حسب نوع المخبوزات المطلوب
ودخلنا الكيزر الفرن الساخن
190
وفي منتصف مدة السوا خرجناه ليتزين
أدوات التزيين
في هذه المره استخدمت الكاكاو
كاكاو ذوبته مع ماء ساخن حتى قوام عجينه
ثم جزء من صفار فقط
وطبعا طعم الشيكولا بيطغي على البيض
والريشه الرفيعه صديقتي معايا
منتظره نقوشاتي المتواضعه
بصراحه ممتعه جدا جدا
وشكل راقي جدا جدا
حتى المحلات لم نرى هذا الفن حتى الان
ممكن بعدنا يجربواههههههههه
وهنا صوره لتوضيح ادوات التزيين
و
هنا خبز الكيزر بعد الفررن
بتمنى تكون عجبتكم
تجربتي بالتزيين على خبز الكيزر
دمتن بود
اممممممممممممممم
جميييييييييييييييييييييييييييييييييييل
و راااااااااااااااااااااااااااااااااااااااااااااقي
و مميييييييييييييييييييييييييييييييييييييييييييييييي يز
تسلم الايادي الحلوة يا ام جنى
تسلم الأيادي
ربي يسلم الايادي المبدعة
بالتوفيق حبوبة
صحتين وعافية يارب
يسلم ايديكي ويعطيكي الف عافية
كتبت بواسطة moon and stars 
اممممممممممممممم
جميييييييييييييييييييييييييييييييييييل
و راااااااااااااااااااااااااااااااااااااااااااااقي
و مميييييييييييييييييييييييييييييييييييييييييييييييي يز
تسلم الايادي الحلوة يا ام جنى
الله يخليكي لينا يا مون
تسلميلي يا رب على ردك المشجع وكلامك الحلو
الله يباركلكم في وقتكم يارب
كتبت بواسطة super meme تسلم الأيادي
تسلميلي يا ميمي ياقمر
كتبت بواسطة ام شبل الاسلام ربي يسلم الايادي المبدعة
بالتوفيق حبوبة
شكرا لمرورك العطر ام شبل
كتبت بواسطة ام عبدالمعز صحتين وعافية يارب
تسلميلي يا ام عزو يا عسل
كتبت بواسطة Lina_0 يسلم ايديكي ويعطيكي الف عافية
شكرا ليكي لينا