اشتريت تنورتين لف وانا بحب كتير الموديلات اللف بس التنانير اللي اشتريتها مو مسكره يعني الها رده وزر من الداخل وزر عند نهاية اللفه وبمجرد ما يجي شوية هوا يا ساتر استر يارب بتفتح كلها حتى لو نزلت اخد شي من الأرض نفس المشكله بتفتح المهم جبت مطاط عريض وخيطته من جوه ووصلت الطرفين مع بعض طرف الخياطه اليميني مع النهايه الداخليه للتنوره بحيث ان المطاط يشدها وما تفتح بسهوله بس صار شكلها مو حلو ابدا ولما امشي القطعه الخارجيه من اللفه كأنها منفصله عن التنوره مابعرف اذا عرفت وصلكم الفكره اللي عندها طريقه كيف اقدر سكر التنوره بدون ما خربها ياريت تقلي وجزاها الله خيرا لأن الوانهم كتير عاجبتني وكل ما بشوفهم بحس بالقهر لأني مابقدر البسهم
كل هالقراءات ولا خبيره دخلت الموضوع 
أنا عندي من هذه التنانير، وطبعاً بلبسها بالبيت أو عند صديقاتي.. وعادة بلبس تحتهم شورت ليكرا من لون التنورة تقريباً.
وطبعاً عارفة أنه المشكلة أنه بتضل تفتح، لكني جربت أكثر من طريقة وما نفع تسكيرها، لأنها مخيطة بطريقة أنها ما تتسكر.. لو حطيتي مطاط أو خيطتيها ما رح تنفع لأنه رح تصير موروبة. فنصيحتي، البسها فقط ببيتك وإن طلعتي عند صاحبتك البسي تحتها إما تنورة شلحة أو شورت بلون ملائم.
والله كنت بقوولك نفس الكلام
او حطي ازارير من جوا الين ماتوصل عند ركبتك
ويمكن يصير حلووو
او اذا الموديل يسمح
حطي من برا (من طرف القماش)
زي الشرايط بحيث تربطينها على شكل(فيونكة)
او من نفس القماش اذا كان انتي اللي خيطتيها مو جاهزة
ممكن يكوون شكلها حلوو
وتحياتي لكِ
انا يا ستي إن شاء الله عندي الحل
خيطي القطعتين الاصليات للتنوره مع بعض و كأنها تنوره عاديه و اتركي من تحت مسافه تناسبك للمشي و من الاعلى كمان كأنك بدك تركبي سحاب
و هاي هيه بس.ترى محسوبتك خياطه مع وقف التنفيذ
تحياتي
ام جنى
أخت أم جنى فكرتك كمان ممتازه بس المشكله انه نهاية التنوره من جوه ما بتنتهي عند السده الجانبيه واذا خيطتها عالقماش بتنبين الخياطه من برا تسلم ايدك حبيبتي وجزاك الله خير