حبيباتى فى منتدايا الغالى..انى احبكن فى الله
حاضر ….حاضر……….انا عرفه انتو عيزين المفيد
ربنا رزقنى من لدنه رزقا حسنا ويسر لى معرفه خلطة زيوت للشعر وانا عمرى ما ابخل عليكو بكل غالى
الوصفه الأول وبعدين اقولكو النتايج:
زيت بارافين 60 مل
زيتجرجير 30 مل
زيت خروع 30 مل
زيت زيتون 30 مل
زيت لوز 20 مل
زيت جوز هند 20 مل
زيت حبه البركه 20 مل
كان هذا الموجز واليكم الأنباء بالتفصيل:
الخلطه دى وحده صحبتى جربتها وقالتلى عليها انها جميله بفضل الله وربنا جعل فيها سبب وانا شفت شعرها والله بعنيا وكان طول بشكل ملحوظ فعلا.اخدتها واستعملتها وشعرى بفضل الله وحده طول عليها
وكمان لى اختين فى الله طلبوها منى وشعرهم بفضل الله طول عليها
تعمليها ازاى:عند حراز مثلا او اى واحد بيتعامل مع الزيوت وبيركبها ولو الدنيا داقت وملقيتيش هاتى انتى الزيوت وركبيها بس مكدبش عليكى…هتتعورى فيها جاامد(هتكلفك كتير
ونصيحه اخيره:انا بعدها سمعت ان الزيوت بتنشف الشعر واحسن حل هو استعمال الزيت عل فروة الرأس واستعمال كريم الشعر على بقية الشعر والأطراف (الأتنين فى نفس الوقت) لمنع التقصف
هى دى بأه الخلطه واسال الله العظيم رب العرش العظيم ان يجعل فيها سبب لكل من تستعملها….والله المستعان
سؤال ماهو زيت بارافين
حبيبتى ام ليان ,زيت البارافين هو زيت العطارين او اللى بيتعاملو فى الزيوت يعرفوه كويس وهو مفيد جدا جدا
نصيحتى ليكى انك تركبيها عند حراز او اى واحد بتاع مستحضرات تجميل ..انتى اكتبى الوصفه وهو يركبهالك وتريحى دماغك,ارخص واسهل كده
وانا فعلا استخدم مجموعة زيوت نفس دى باختلاف عنك فى زيوت تانية
وجابت نتائجة هايلة معايا
كتبت بواسطة (أم ليان) 
ان شاء الله من اليوم راح أجمع الخلطة والله يعين وجزيت خيرا
سؤال ماهو زيت بارافين
اختي اذا انتي من اهل الرياض بتحصلينه عند محلات بن منقاش للعطاره واسعلرهم مره رخيصه
وحلوه..