قالت شقراوي قلت فخر ومعزّة أهل الكرم والحلم والعلم لباس
قالت شقراوي قصدها بي تهزا ما تدري اني بفتخر وارفع الراس
الحمدلله روسنا دوم رزّة اللي خلقنا بس نحني له الراس
صافي نسبنا والحسب فيه عزّة أصل أصيل وفصل والعرق دساس
أهل الوفا والدين صافي منزه عن كل ما شاب العقيدة من دلاس
حنا سنايد قوم في كل حزة لا خانت حلوق الرجاجيل لانفاس
حنا اجبال يعجز الريح هزّه حنا للغير حزام وعصابة الراس
من يغلط علينا لسانه نجزه واللي يحقر قدر الرجاجيل ينداس
منا العدو تكفيه بالعين خزه يقضي عليه الخوف مع كل هوجاس
من ذكرنا في قلبه تثور نزه من طاري الشقراويه يبلاه وسواس
نومه كوابيس وروعة وفزة دقت نواقيس الخطر له والاجراس
وان هو لقي له من علينا يوزه هون له الصعبات وابليس خناس
حلوه القصيده بس من قايلها قصدي صاحبها
وياهلا فيك وحياك الله اختي نورتي
حياك الله بنت شقراء معنا ….نورتي 
سلامي للحميع
بقايا همس ينعم بحالك وتشكرين على مرورك
أمنيه وانتي حبيبه وغاليه علينا لانك من الجماعه بس ياليت تتعرفين على شقراء اكثرر تراها تغيرت ولهامواقع خطيره بالنت وياليت اعرف الله لا يهينك من اي قبيله انتي اخاف انك تقربين لي وانا ما ادري
غريبة الروح الله يحييك وانا اسعد بانضمامي لكم
هوى نجد الله يحييك ويبقيك
غصن الزيتون لا والله احنا حبيبين بس لا احد يغلط علينا يعني انتبهي تغلطين ههههههه<—الله قلبها طيب وابيض وما تشيل على احد وما عاش ويسوي فيك زي القصيده
تحياااااااااااااااااااتي لكم 
بنت شقراء
الله يسلمك ويخليك يارب
وكل عام وانتم بخيررررررررر
تحياتي لك
بنت شقراء
وين خالي عن ذا القصيده
مشكوره على المشاركه
ونعم في اهل شقراء وبكل الحاظرين هنا 
في امان الله