انا النهاردة عايزة اسئلكم كام سؤال
نغير بيهم حالة الممل والروتين ونبعد شوية عن المشاكل
رحتي المصيف السنة دي ؟
رحتي فين؟
مع مين؟
ياتري مع الاهل احسن؟ والا الاصدقاء؟
ايه اللي عملتيه مختلف عن كل سنة؟
استمتعتي وحسيتي بالسعادة فعلا؟
لما رحتي حسيتي بايه؟
ولما رجعتي حسيتي بايه؟
ايه افضل الوجبات اللي بتحبيها في المصيف واكلتيها؟
ايه اول حاجة بتاخديها معاكي وبتكوني حريصة علي شرائها او اخدها معاكي في المصيف؟
اتمنيتي امنية وانت في البحر؟
ياتري ايه الامنية دي؟
طب جبتي هداية تذكارية لحد من هنا؟
وايه هي الهدية؟ ولمين؟
مين اول شخص مكنش معاكي وافتكرتيه واتمنيتي انه يكون معاكي ؟
ايه احسن لحظة حسيتي فيها بالسعادة وفضلت في ذاكرتك فترة طويلة؟
انا عايزة كل واحدة تدخل تحكي بصراحة وتقول صيفها كان عامل ازاي وتجاوبنا علي الاسئلة دي ولو في حد بيحب يضيف سؤال يالله كلنا نشترك بسرررررررعة وانا هقلكم بس لسة مرحتش بس قريب هروح واجي احكيلكم بالتفصيل الممل ههههههههههههههههههههههه
للدرجاي مش طايقني ولا حبين الموضوع افتكرت اني هقدر اعمل حاجة افك بيها مللي وهتساعدوني ولو بسعادة مزيفة علي العموم شكرااااااااااااااااااااااااااااااااااااااااااااااا اااااااااا قوي
معلش يا هدى والله انا لسه شايفه الموضوع حالا….. وموضوعك جميل
وزى ما قلتى يخرجنا من الملل والروتين اليومى ……….
بصى يا ستى انا روحت " جمصه" بلد ف مصر تبع شركه والدى وروحت مع اهلى …
وكنت بحب اكل دجاج لانهم هناك بيعملوه بطريقه معينه مميزه ….. البلد هناك مميزه بالحلويات
جيبنا حلويات لاصحابنا وجيرانا…. لما روحت حسيت براحه وانى عاوزه ارمى همومى ف الميه ….
وانا ماشيه اكيد زعلانه لانى اتعودت على الانتخه يعنى انى ما اعملش حاجه …..
الصراحه ما اتمنيتش امنيه لعند البحر لانى بتمنى علاطول ان ربنا يرزقنى الولد الصالح
ودى بدعيها ف اى مكان وزمان دعواتك باه يا هدى ………
بس كده معلش طولت عليكى …
والله موضوع جاامد جداااا وجديد
احكيلك انا بقى
انا صيفت السنه دى فى 6 اكتوبر الى فى اسكندريه
فى شاطئ النخيل تحديدا
وروحت مع اهلى طبعاااا
اكيييييد مع الاهل احسن وقضيت احلى اسبوع بجد هناك
احلى اكله بحبها واكلتها هناك هيا الفراخ المشويه بجد تجنن
اتبسطت جداااااااااا وكنت سعيده اووى وانا هناك
بس زعلت اوووى لما جيت لان الايام عدت بسرعه اوى
احلى ذكرى فى حياتى الاسبوع ده
اهم حاجه باخدها معايا هيا كل الملابس اللازمه لاى مصيف
قعدت قدام البحر كتيييييير لانى بعشق البحر
اتمنييييييت حاجات كتير اووى طبعا
اهم شئ اتمنيته ان ربنا يجعلنى من اهل الجنه لانى لما بشوف البحر والمناظر الجميله دى بقول لومال الجنه تبقى ايه بدعى ربنا على طول انى اكون من اهل الجنه
جبت شويه هدايا رمزيه كده لصحابى من هناك
الشخص الى مكنش معايا وكنت اتمنى انه يكون معايا وكنت على طووووول فاكراه هيا صحبتى الانتيم
احسن لحظه حسيت فى السعاده لما كنت بتمشى بليل فى المدينه بجد كااان يوم جميل
قضيت احلى اسبوع الحمد لله
تسلمى يا جميل تانى على موضوعك انك فكرتنى الايام الحلوه دى
يارب يجعل ايامك كلها حلوه
ايوه رحت يا هدهود
رحتي فين؟
رحت اسكندريه شاطئ النخيل ( زى دينا )
مع مين؟
مع ماما وبابا واخوى وخالاتى وكده يعنى جزء من العائله
ياتري مع الاهل احسن؟ والا الاصدقاء؟
مجربتوش مع الاصدقاء بصراحه عندنا ممنووووووووووووووع
ايه اللي عملتيه مختلف عن كل سنة؟
كل حاجه لانى كل سنه ف العريش ومش بخرج من الشاليه كتير بس اسكندريه مش بدخل الشاليه كتير ههههه
استمتعتي وحسيتي بالسعادة فعلا؟
ايوه الحمد لله
لما رحتي حسيتي بايه؟
احلى احساس وانتى رايحه بفكر همل ايه وامتى ؟؟؟
ولما رجعتي حسيتي بايه؟
اوحش احساس وانتى راجعه بفكر هنام امتى وفين هههه
ايه افضل الوجبات اللي بتحبيها في المصيف واكلتيها؟
سمك وكبده اسكندرانى وكلتهم الحمد لله
ايه اول حاجة بتاخديها معاكي وبتكوني حريصة علي شرائها او اخدها معاكي في المصيف؟
الكاميرا
اتمنيتي امنية وانت في البحر؟
ايوه …………….
ياتري ايه الامنية دي؟
ليه الاحراج ده بقى !!!!!!!!
طب جبتي هداية تذكارية لحد من هنا؟
اه جبت لكيتى
وايه هي الهدية؟ ولمين؟
قولت لك يا هدى لكيتى ده اكتر صديقه ليا كمان اخت مش صديقه اسمها شرين وجبت لها حاجه سر للجهاز ؟؟؟؟
ولعب بقى للعيال الصغيرين . بس
مين اول شخص مكنش معاكي وافتكرتيه واتمنيتي انه يكون معاكي ؟
خطيبى بس الحمد لله عملى مفاجاه وجه قضى معانا يوم
ايه احسن لحظة حسيتي فيها بالسعادة وفضلت في ذاكرتك فترة طويلة؟
كل لحظه لما كان خطيبى معانا ويطلب منى انا كل حاجه عايزها حسيت شويه انى قريبه منه جدا وانا اللى الكوى له هدومه وكده يعنى احساس جميل اووى
ايه رايك يا جميل رديت على كل حاجه بس هنستنى المصيف بتاعك انتى بقى
عمري لزوجي وربنا يرزقك بالولد الصالح يارب
ودينا ربنا يجعل ايامك كلها سعادة ياقمر
وmm msh ربنا يخليلك خطيبك وتتجوزا بسرعة وتجيبه دستة بنات ودستة صبيان
انا في الغربة في الصين وطبعا والا مصيف والا غيره حبسة وخلاص
بس انا كنت كل سنة بروح اصيف في مرسي مطروح(من اول ما اتجوزت بصراحة) لان لي معاها ذكريات حلوة من يوم ماقضيت شهر العسل هناك
بس كنا وانا في بيت بابا كنا بنصيف في راس البر او جمصة واحلي حاجة هناك فعلا الحلويات بس البحر مكنش نضيف قوي
بس فعلا مرسي مطروح جميلة قوي قوي البحر نضيف جدا والمصيف رخيص قوي قوي قوي والاقامة والاكل وكل حاجة
ولما بنروح هناك بنجيب زيتون مخلل لانه رخيص قوي قوي هناك
وكمان زيت زيتون برضه وساعات شوية هدوم قطن وكمان التوابل من سوق ليبيا تحفة بتفضل معايا طول السنة وانا وانا جاية هنا الصين كنت جايبه معايا منها
يااه ياهدي فكرتيني بالذي مضي وحشتني قوي قوي قوي قوي مصر
موضوعك جميل