هلا باحباب قلبي اشتقت لكم
ورجعت ومعاي طريقة رز مثل حق المطاعم اللي تعمل الرز وكأنه شغل البيت
كلنا أحيانا نتسائل عن رز المطعم كيف طعمه لذيذ وهو من غير لحم ودجاج يعني بيكون معمول لحاله من غير ايدام والدجاج غالبا يكون مشوي بالفحم ولا شواية الكهرباء
انا جربت هذي الطريقة ولقيتها لذيذة وقريبة الطعم من رز المطاعم
طولت عليكم بالكلام الحين شوفو معاي الطريقة
المقادير
رز ابيض مغسول ومنقوع
بصل مقطع وثوم مفري
كسبرة خضراء مفرومة
اعواد دارسين وهيل
مصفر للأكل
مكعب ماجي او (الاجينو موتو الذ )
ملح وبهارات
زيت 000او زبدة الذ
الطريقة:-
احمسي البصل في الزيت ثم الثوم وقلبي حتى يحمر البصل
ضيفي البهارات والماجي وقلبي الخليط
ضيفي الماء الكمية الكافية للرز فقط حتى يغلي الماء
ضيفي الرز واعواد الدارسين والهيل
بعد مايغلي الرز اخفضي النار وحتى يتشرب الرز غالبية الماء
اضيفي الكسبرة وقلبي الرز معها قليلا0000ثم ضيفي مصفر الاكل
اخفضي النار اكثر وارتكيه حتى يجف تماما0
وقدميه للأكل مع دجاج مشوي بالفرن
هذي الطريقة بعد تجربتها لقيتها لذيذة وسريعة ولا تحتاج لشغل كثير
وصحتين وعافيه
انتظر ارائكم واي استفسار انا بالخدمة
وحمدلله على السلامة
بشرررررررررررري جبتيلنا معرس والا عرووووووس
كنت من يومين على بالي ..اقول من زماان ما شفناها
الرز حلو وصاحبتة احلى
يلا من طول الغيبات جاب الغنايم
الحق عليّ ماقلت لكم (جبت اخت لريم)وصارو توأم (ريم ودانا)
والله لك وحشة 0ولكل الحبايب بالمنتدى
انتظر تجربين الرز وتقولين لي رايك
حياك الله00وتسلمي لي
هلا حفيظة تسلمين
وجربيه وانتظر رأيك
ان شاء الله تكون لك الولد الصالح الذي يدعو لوالدية
بشري شو الرزق اللى جابتة لابوها 
))))))))) يا فرحتة
وتسلمين على الطبق السهل وان شاء الله اسويه .