الي فترة بحاول اعمل مشكل مخلل بالزيت اللي بكون مقطع بقطع صغيرة بس كل ما اعمله بزيت الزيتون بعفن او بيتغير طعمه طبعا اذا ضل اكثر من شهر و اذا بحطه بالثلاجة بيجمد الزيت
اما لما اشتري الجاهز بيكونوا حاطين عليه زيت الصويا و خل
فبدي اعرف الفرق بين نوعين الزيت
وثانيا مخللك بيعفن لانه كمية الزيت قليلة لازم تزيدي الكمية
والهدف من اضافة الزيت هو فقط لمنع تلامس الهواء مع المخلل وبالتالي عدم نمو الاحياء المجهرية
لانه الاحياء المجهرية لاتنمو على الدهون والزيوت (الا الزبدة )
اما الفرق بين زيت الصويا والزيتون
زيت الزيتون مايفضل استخدامه على النار يفضل استخدامه على البارد
الصويا ممكن تسخينه واستخدامه
لزيت الزيتون رائحة عطرة جميلة
اما زيت الصويا رائحته تظهر اشبه برائحة السمك وخصوصا عند استخدامه على النار
زيت الزيتون غالي والصويا رخيص
زيت الزيتون يستخرج من الزيتون والصويا من حبوب فول الصويا
زيت الزيتون يستخدم في السلطات
وزيت الصويا يستخدم في المايونيز لانه بيشكل مستحلب وبيعطي الكثافة للمايونيز
وطبعاً المخلل اللي بتشتريه بيحتوي على زيت الصويا فقط لانه مادة حافظة ورخيصة للي بيستخدمه
للاغراض التجارية ارخص من زيت الزيتون
يارب اكون وفقت في شرحي
واي سؤال او استفسار انا جاهزة
بدي اسأل اكييييييد
انا بعمل كل شي ذكرتيه لحتى ما يعفن و كل مرة بجرب طريقة شكل لحتى يزبط و ما زبط و هون بالركن في كثير وصفات للاخوات ما شاء الله من شكلها بتشهي
انا مثلا لما بقطع الخضار للمخلل بستخدم الفليفلة الخضر الحلوة و الحارة و زهرة و جزر و كرفس و بقدونس و احيانا زيتون اخضر و بندورة خضرا و بقطعهن صغير و بحط عليهن ملح و بحطهن مصفاة لحتى المية تنزل و بعدين بحطهن بمرطبان و بحط زيت زيتون و بحرص انه يكون فوقهن باكثر من نصف اصبع و بتركهن اسبوع و بنبلش ناكل منهن
باول اسبوع من لما افتحه بيكون ممتاز و طيب بعد هيك ببلش يطلع ع الخضار نقط ابيض و خاصة الفليفلة و الطعم ببلش يتغير شوي شوي باقل من شهر
فبتركه فترة و ما بناكل منه بيصير لون الزيت غامق جداااااااا بعد مرور الشهر
بس انا بعد ما افتحه بحطه بالثلاجة بس بيجمد الزيت و بيضل طعمه زي ما هو
و هاي المشكلة العفن بتواجهني كمان بعمل اللبنة دوائر و ما خليت شي الا بعمله و مع هيك بعفن و اخر ست سألتها بتحكيلي السبب انه بستخدم حليب للترويب كامل الدسم فهو بيكون محتوي ع نسبة زبدة فبتعفن اللبنة و لازم استخدم حليب قليل او خالي الدسم و انا بشتريه جاهز بالغالون معبأ
و حتى ناس بتحكيلي الجو هون بامريكا غير بلادنا فبعفن كل شي اسرع
و الله اعلم
بس انا مرة شفت حلقة لحورية المطبخ
بتحكي انه في انواع مخللات ما بزبط الا تعمليها بزيت ولازم ينحط المخلل بالتلاجة لهيك لازم تخلطي من زيت الزيتون ومن زيت الذرة
حاولي تستخدمي زيت ذرة بصراحة زيت الصويا ما بحب لا ريحته ولا طعمه
امي بتعمل مخللات ومكدوس ووبتخلط زي ما حكيتلك وبتحطهم بالتلاجة وبضلو شهور وما بصير فيهم اشي
حاولي تحطي تلتين زيت ذرة او صويا وتلت زيت زيتون وان شاء الله يزبط معك وتدعيلي هههههه
بالنسبة لية المخلل طريقته بتختلف عنكم
لانه عدنا بالعراق المخلل ينحفظ بالخل (لابزيت ولا ماء مملح)
فطريقتنا بتختلف
نصيحتي لك لما تحبي تاخذي قطع من المخلل
عقمي ملقط الطعام او الملعقة على النار
يعني افتحي نار الغاز وسخني الملعقة ومن ثم اخذي قطع من المخلل
لانه مرات بيخرب ويعفن ببب الملعقة
شي ثاني لما تشوفي كمية الزيت قلت زيدي عليها بعد استخدام المخلل
ويارب يوفقك
اهم شي عند حفظ الخضار المخلله بالزيت
أن تتأكدي من عدم وجود ماء في الخضار لانه عادة السبب في عفن المخلالات
هل لك ان تخبريني طريقتك كي اساعدك
كتبت بواسطة وعود الخير 
اهم شي عند حفظ الخضار المخلله بالزيت
أن تتأكدي من عدم وجود ماء في الخضار لانه عادة السبب في عفن المخلالات
هل لك ان تخبريني طريقتك كي اساعدك
انا بقطع الخضار مكعبات صغيرة الجزر و الفليفلة الحلوة بكل الوانها و الحارة و زهرة و كزبرة و كرفس و زيتون اخضر و احيانا بندورة خضرا و بحط عليه ملح
و بحطه بالمصفاة لحتى يبطل ينزل مي
و بعدين بحطه بمرطبان و بحط زيت الزيتون فوقه لحتى يغمره
و ممكن اضيف جوز مع الخضار
انا آخر مرة جربت طريقة الاخت مجد و هي ثلثين زيت قلي و ثلث زيت زيتون و خليته اسبوع برا الثلاجة و بعدين حطيته جواها حسيته الخضار لسه مش متخلله و زبط معي و ماعفن طبعا لانه جمد
و انا سألت عن زيت الصويا لانه هون انا بشتريه جاهز بيكون مكوناته بالاضافة للخضار زيت الصويا و خل
و بعد ما افتحه لازم ينحط بالثلاجة ما بيجمد و بيكون طعم الخضار كثيييييييييير طيب فيه حرورة ع حموضة يميييييييييييييي شو طيبة
و الله يجزيك كل خير يا رب
انت طريقتك صح بس لازم اقل شي الخضار تفضل في الملح 3 أيام وبعدها بتنشفيها منيح
بتحطيها في فوطة نظيفة وتضغطي عليها وبعدها للمطربان وتغمريها بالزيت
وانا باعمل متلك بس بصراحة
الجزر والزهرة والكرفس بأكون مخللاه بالمي والملح قبل فترة (مخلل عادي)
باطلعه وانشفه وانشف الزيتون الأخضر منيح وباضيفه للخضار اللي ملحتها متل البندورة الخضرا والفلفل الحار والثوم
جربي مطربان صغير علشان ما تتكلفي
وبالتوفيق