شلونكم مع رمضان
عندي سؤال وجاوبوني بسرعه ماعليكم امر
ابي احلى طريقه لعمل صلصة البشمل سواء ثقيل او خفيف وياليت اللي تكتب الطريقه تكون واثقه من انه لذيذ لاني اعرف اسوي بشمل بس مرت مااضبطها ومرات من كثر ماهي لذيذه اكلها بقفشه وانا ابيها لذيذه حيييل وياليت تقولون شنو نوع الزيت المستخدم هل هو زيت ذره ام زبده ؟ ونوع الحليب هل هو حليب كرنيشن او بودره ام حليب مبستر ومبرد ؟وشنو احلى ؟ نسوي المكرونه بالبشمل بلحم المفروم مع الطماطم والصلصه والا بس لحم مفروم ؟
بانتظار الرد
انا بعطيك طريقه وانا متاكده ميه بالميه انها لذيذه مووووووووووووت
لكن اللي ابيه منك انك تنفذيها بالحرف الواحد اوكي ؟
خذي نصف اصبع زبده لورباك و كاسين حليب نيدو طبعا كل كاس فيه ماء وثلاث ملاعق حليب بودره و علبتين جبن كرافت مبشووور الحجم الكبير و علبه كامله صغيره جبن بوووك وو6 ملاعق طحين فاخر ابيض
طريقة العمل :
نسيح الزبده في قدر متوسط الحجم
ونضيف ست ملاعق الطحين ونخلطه الين تصبح عجينه المهم ونسكب الكاسين حليب ونضيف فوقها الجبن السايل العلبه كلها طبعا والجبن المبشور نحط علبة ونصف والنصف الثاني فوق الصلصه يعني في النهايه
المهم المقادير لازم تحطينها ورا بعض وتخلطيها على ناااار هاديه الين ماتتماسك مو تتماسك مررره يعني اذا حسيتي انها تماسكه مو تحرقينها
جربيها وقولي رايك شررررررررط بتعجبك موووووووووت
وانا متاكده
أولا صلصة البشاميل
طريقتي هي 4أكواب حليب نيدو مذاب (أكواب جبن بوك)، إصبع زبدة ، ثلاثة أرباع الفنجان طحين،أولا أذوب الزبدة على النار وأذر الطحين عليها مع التحريك المستمر بعدين أضيف الحليب.. وأخليه على النار مع التحريك لحد ما يغلظ…وأخليه على جنب
شخصيا أفضل أسويها بالدجاج وتطلع أحلى من اللحم
أطبخ الدجاجة أو نصف دجاجة حسب ما تبين لحد ما تنضج
أخليها تبرد بعد النضج وأقطعها وأنزع منها العظام
بعدين أقطع بصلة واحدة كبيرة أو متوسطة مربعات صغيرة وأقليها مع الزيت بعدين أضيف لها ال2-3 طماطم مقطعة صغيرة وبعدين أضيف الدجاج اللي طبخته وقطعته صغير وأقليه معهم وأضيف الملح + القرفة المطحونة(تخلي الطعم يهبل وخصوصا للدجاج) ..
بعد ما أطبخ المكرونة تعرفين الطبقة الأولى في صينية الفرن مكرونة بعدين أصب فوقها نص مقدار البشاميل بعدين كل الحشوة اللي أعديتها بعدين باقي المكرونة وفوقها باقي البشاميل وأخيرا انثر على الوجه جبنة الموزاريلا.. وأدخلها الفرن وأحمرها من فوق….
طريقتي استخدم اما زبدة او سمن ..ملقعة كبيرة مادة دهنية + ملقعة كبيرة دقيق + كاس حليب سائل على النار حتى تصل الي السمك المطلوب ويضاف لها ملح وفلفل ابيض..
اما المكرونة افضل يكون مع اللحم صلصة طماطم والبهارات الايطالية الخاصة بالبيتزا والمكرونة …تكون مثل المطاعم الايطالية…
4 كاسات حليب ( يعني 12 ملعقة حليب نيدو و 4 كاسات ماء )
4 ملاعق دقيق لو تحبين البشاميل خفيف ولو تحبينه اثقل 5 ملاعق دقيق
ملعقتين غرف زيت مازولا
مكعب مرقة الدجاج ماجي اخلطي المقادير على النار لين تصبح سميكة وبالهنا والعافية
الغريب من البنات الاتي كتبن الرد أنهن لا يستخدمن أهم عنصر تماسك الباشميل وهو البيض
حيث يضاف بعد أن تبرد قليلا الباشميل وتحرك بسرعه لانه يساعد في التماسك وكذلك التحمير
الذهبي والطعم ..مع السلامه
واسفه اني تاخرت بالرد بس ماشبكت من 3 ايام وبنفس اليوم لقيت طريقه كاتبتها ام مودي وطلعت حلوه وهذا اللنك
اضغطي هنا
بس انشالله وعد بجرب كل طرقكم واقولكم شنو احلى طريقه بس لحد يزعل 
وغير جذي انا حصلت طريقه امس بس مو من الانترنت وبجربها وتقول صاحبتها انها نفس بشمل المطاعم واذا طلعت حلوه بعلمكم
لآلي بصراحه اول مره اسمع عنها بس انشالله اذا لقيتها بجربهاا وابلغج
<— الله يعينها تجرب شنو والا شنو.. بيكرهونها اهلها من كثر ماتسوي بشمل 
المقادير/4ملاعق دقيق-4ملاعق حليب بودرة -4/1زبدة -ملح على حسب -ذرة فلفل اسود- 1علبة قشطة بوك لازم-ماء حسب.
الطريقة..1-ضعي الدقيق في قدر مع الحليب والملح والفلفل.
2-ضعي الماء بالتدريج وكلما ثقلت ضعي عليها ماء حتى تصبح شبه سائله.
3-ضعي فوقها القشطه و حركيها قليلا ثم الزبدة.
4-ضعيها فورا فوق الخلطه في الصينيه.
ملاحظه ..يجب ان يكون كل شيئ جاهز في الصينيه ومن ثما تبدئي بعمل البشاميل.
كل سنه وانتم طيبات… وبالهنا والشفاء…
بااااااااااااااااااااااااااااااااااااااااااااااااا اااااااااااااااااااااااااااااي