سؤال للأخوات الأردنيات بليز 2024.

كيفكن يا حلوات
لو سمحتوا، بدي أعرف شو هي العادات الأردنية (عمان في حال كان في اختلاف بين المناطق) بمناسبة الولادة. يعني ببيروت منضيف مغلي و قهوة حلوة و شوكولا. و اللبس بكون عادة عباية.. سمعت حكي عن قرفة و ما بعرف شو، و إنو القهوة لازم تكون مرة-سادة عرفتوا قصدي أكيد.. صح هيك؟ أو بيمشي المغلي؟
حابه كل شي يكون عالأصول تمام لأن زوجي كتير متمسك بقوميته و صورة الملك عنا بالصالون
أشيروا علي الله يخليكن لأني كتير متلبكة و حايصة متل الخنفسة بالطاسه

طيب إنتوا هلق بإرلندا لشو القومية????

المهم را إقلك عن عاداتنا السورية بالولادة بيمشى الحال?????

نحنا عنا الضيافة بتكون شيكولاتة مرتبة مع مغلى أو كراوية وفنجان قهوة تركى عادى.

واللبس بيكون يا عباية يا قميص نوم مشلح ثقيل. وبلاد الشام ماكثير بتفرق عن بعضا

وبترك البقية على بنات الأردن الكرام

أهم حاجة حالتك النفسية و صحتك اهم من هذا الكلام … ماعاد حد هاي الأيام يدقق على هاي الأمور ثم ما دخل زوجك في اكل الوالدات

انتي اعملي اللي عليكي من ناحيتك و بعدين احكيلو لما يزورونا اصحابك جيبلهم حلو على ذوقك و حليهم و انا راح اجهز القهوة و الشاي و العصير و خلاص .

يعني بتفكري لما تقدمي قرفة ولا مغلي للرجال راح يعجبهم هاي الأكلات للنسوان فقط .

انا فلسطينية اردنية .. لكن لازم اسوي مغلي و لي بعجبو باكل و اللي ما بعجبو ماياكل .

اما الرجال فإما شوكولا أو كنافة .. و القهوة مش مهم . اي نوع .

…………………

لكن اللشغلة ادا فيها ورطة كبيرة قدام زوجك فاسمعي كلام وعود الخير . قرفة مع المكسرات .

في البلاد انا بسمع عن صواني القزحة ( حبة البركة ) و القزحة السائلة .. و الحلبة ( صينية ) ..

اهم حاجة تجهزي شوكولا كويسة .

أختي أم بدر جيتي عالجرح.. لشو القومية؟؟ ما جايه منها غير وجع الراس بالنسبة للجاليات المغتربة.. كنت لما حدا يسألني من وين أنا، قول من بيروت الغربية و لو بيطلع بإيدي حدد اسم الشارع ما بقصر.. هلأ هون صرت قول من الشام، و يمكن أولادي علمهن يقولوا من غرب آسيا

وعود الخير، مشكورة أختي عالشرح المفصل.. ريحتيلي بالي إنو المغلي بيمشي.. مافي أطيب منه، مبسوطة فيه اكتر من الولد

الله يسلمك و يخليكي يا يافا.. أنا معك.. لو رجعت إلي، ما بحب العادات و التقاليد، و لبناني أردني مصري كله واحد.. زوجي ما بيعمل مشاكل، بس هالشغلة أكتر شي بيفرح قلبه.. يعني لما البس عباية أردنية أو احكي شي كلمة أردنية، بشوف كل السعادة و الحب و الحياة الوردية بعيونه… كرمال هيك حابه فرحه، و لو اضطريت لف الولد بعلم أردني

رح حاول أعمل قرفة، و اذا زبطت بقدمها هي و المغلي سوا، و باقي الضيافة على ذوقي..

مشكورين مرة تانيه، والله يجبر بخاطركن.. و يوحد هاللأمة الإسلامية العربية..

شو، بلش بالشوبينغ أو لسا؟؟؟؟؟؟

الموضوع إياه ………….. أنا قلت لحالي إذا طنشت بتنسي، بس طلعتي مش قليلة عند ربك

بس مش حلوة الفضيحة بين بنات المنتدى، استري علي الله يستر عليك يا بنت الحلال

خلاص وعد، لما يوصلني الحمام الزاجل بعزيز كتابكم، برجعلكياه مع عزيز كتابنا و فيه قصيدة وجدانية أبث لكِ فيها شيئا من معاناتي و آهاتي و سبب شططاني و نططاني

يللا أنا ناطرة على سطح البيت….

طيف حبيبتي أكيد هالختام نتيجة استخارتك… يعني ان شاءالله فيه الخير إلك…

منيح هيك معي وقت شي شهر أو 2 للرجيم قبل ما نسمع عن الفارس الجديد باذن الله