أخواتي الحبيبات الله وحده يعلم اني من بديت ادخل منتدى لك اني تغيرت وايد نظرتي للحياة اتغيرت قبل كنت ادور على شغل الحين احس ان وظيفتي الاساسية في البيت وهذي الوظيفة تحتاج الى ابداع وليست مجرد روتين وان الانسان لازم يغير من نفسه ومن البيئة المحيطة فيه
المهم امس رحت المدرسة عشان اسأل عن مستوى أخت زوجي والي شفته حارقني لحد الحين
شفت المدرسات الي لازم يكونن قدوة لابسات الملابس الضيقة تقول الوحدة منهن قاعدة في بيتها والوجوه ربي عافينا الحواجب المنموصة والبلاوي والشعر الي الشيلة تغطي نصه
صدقوني احس اني ببكي من القهر المدرسة يدخلها رجاجيل من عمال ومفتشين وبعدين المعلمة قدوة والبنات في مرحلة خطيرة فالتقليد أمر عادي عندهن تصدقون اشوف بناتنا لما يتكلمن عن المدرسة ملاهن كلام غير هذي المعلمة شو لابسة وهذي المعلمة حلوة من هذا الكلام
كنت الومهن بس لما شفت بعيني شو صاير في المدرسة اقول عندهن حق المدرسات مسويات تنافس غير معلن بينهن على المظاهر
الله يرحم ايامنا كانت المدرسة ماتغير جلبلبها طول السنة وتينا ورحيتها طبيخ بس الحمد لله تفوقنا في دراستنا وعمر اهلنا ما قالوا لنا درسوا كن نعرف الي علينا ونعرف الحرام والعيب عكس الحين اختلت الموازين
المهم الحين
اريد منكن تساعدني عشان اغير هذا الوضع او اغير هذا الغلط
خواتي الي عندها اسلوب في الكتابة تكتبلي بعض العبارات بحيث ماتتعدى صفحة وتكون قوية ومؤثرة وانشاء الله باطبعها وبطرشها حق المعلمات انا الحين تفكيري متوقف من القهر ماحس الكلام الي كتبته مو مرتب بس سامحني
الله يخليكن ساعدني وانشاء الله يكون لنا الأجر عند الله سبحانه وتعالى
أختكن أم عبدالله
اتمنى زيارة هذا الرابط :
أحاول ن أجمع لك ما أراه وأنت اختاري مابدا لك..وأختي شماليه لم تقصر ولكن أحببت المشاركة..
همسة في أذن أخي المعلم وأختي المعلمة
رسالة إلى المعلمة
إلى حاملة الأمانة
أخاطب فيك إيمانك
إلى كل فتاة تؤمن بالله
أخواتي الحبيبات
شمالية غربية
الجمان
واحة
جزاكن ربي كل خير وجمعني وياكن في جنات النعيم
اللهم يا مقلب القلوب ثبت قلوبنا على الايمان
والله يا اخوات المتمسك بدينه في هذه الايام يحس انه يمسك الجمر