السلام عليكم
وكل عام وانتم بخير بمناسبة قدوم شهر رمضان المبارك.
وبمناسبة هالشهر الفضيل حابة اعمل مكدوس لأنو خلص من عندي وما جبت معي من سوريا.
انا بعرف اعمل المكدوس بكل خطواتو بس في شغلة وحدة وهي الاساسية يلي ممكن تخرب القصة….البيتنجان….
كيف اختار البيتنجان المناسب للمكدوس وكيف بعرف انو ما في مرار بدون ما افتحو؟؟
ارجو تردو بسرعة لأني حابة ساوي المكدوس على اول رمضان وقبل المدارس
وشكرا لسرعة تجاوبكم
والله انا بعرف الباذنجان تاع المكدوسمن شكله شو صورة المكدوسات تعاتي كيف
بالنسبه للمرار ما ببين من بره انو هذا مر وهذا مش مر بعتقد حتى لو كان مر بعد ما تعمليه بالزيت بروح المرار والله اعلم
اختارى الباذنجان بهذا الشكل 
شكرا اختي تغريد وانشاءالله يزبطو معي لأني اول مرة بساوي لوحدي….
iهلا عزيزتي الباذنجان الرومي الصغير امو الرفيع يعني المليان شويه كمان بتكون الراس البتله الخضراء تخينه وغضه اما اليابسه والرفيعه مرة كمان عند ماتفتحيها بتكون المفروض بدون بذور ولونها اسود غامق وهاي هي للمكدوس وبتكون عند ما تذوقيها حلوة ولونها ابيض خاليه من البذور
وما تنسي تبعتي لي صحن لاني باموت في شي اسمه مكدوس
كل الشكر للغاليات ام موسى وام انس للمساعدة
شكراااااااااااااااااااااااا على التلبية السريعة وانشاءالله بس اعملو رح تدوقو مكدوساتي (او على الاقل تشوفو من بعيد يعني شم ولا تدوق ههههههه)