هذه اول مشاركة لي في المنتدى ,,,,,
ارجو المساعدة منكم
المشكلة الاولى :
ولدي وحيد عمره 3 سنين ونص لاصق فيا مرة بزيادة ما اقدر اتحرك من مكاني الا يدور عليا ويجلس يبكي اذا ما لقاني ويقولي انتي فين رحتي انا جالس ادور عليكي وبكى وانا طفشت مرة من الموضوع دا احيانا صرت اضربه شوية بس علشان يبعد عني ويروح يلعب في غرفة تانية او مع اي احد .
المشكله التانية :
دخل الترم دا المدرسة بعد ما اتحمس انه يروح بعد ما سجلناه في المدرسة وكل شي قال ايش قال انه بطل يروح المدرسة تخيلو يقولي( خلاص يا ماما انا بطلت اروح المدرسة ) قلت نعم ياعيون ماما
لا حتروح وصار يروح ببكى ومناحة واجلس معاه شوية واحاول اني ازوغ منه واخرج واسيبه ولمن يكتشف اني مافي طبعا يجلس يبكي وبعدها خلاص يسكت ويكمل لعب مع الاطفال وعادي بس لمن يرجع البيت يجلس يلومني اني كيف سبته ورحت وانه زعلان مني .
انا مني عارفة ايش اعمل عارفة انه اسلوب الضرب سيء بس والله احيانا غصبن عني من كتر ما اطفش ما اقدر اعمل ولا شي لانه لاصق فيا في حركة في مكان حتى الخرجات لا زم اخده معايا صرت حتى لمن اروح بيت اهلي كان اول يروح ويلعب مع الاولاد عادي دحين يحاول قد ما يقدر حتى وهوا يلعب معاهم انه قريب مني .,,,,,
الله يخليكم ادوني الحل انا مني عارفة ايش اعمل ……….
ولم يتغير الا بعد ما أنجبت مولود ثاني
لأنه كان يحس بالوحدة وماله الا انتي !
جيبيله أخو وصدقيني حيتغير كثير
وبدات اتعدي انا كمان منه بس حملت واسلبت في شهرين
الله يعين عليهم
والله يعينك في غربتك عندي وحده من قريبات جوزي في كندا برضه مع جوزها بتدرس الله يعينكم كلكم
انا ابني عمرة سنتين و6 شهور ولاطش بيه تكرمون حتى على الحمام يقعد يبكي على الباب الى ان اطلع
امي عانت نفس الشي عندما كانو اخوتي صغار كان عددهم 3 بأعمار متقاربة تخيلي كانت تمشي وتروح وال3 وراءها وكأنها دجاجة وافراخها
مثل القطار الكل يقوم والكل يقعد والكل راضي
استخدمي اسلوب التطنيش اعملي نفسك ولا شايفة وخليه
بالنسبة لرفضه الذهاب الى المدرسة هذا دلع في دلع ولمعالجة هالموضوع محتاج حكي كثير حاولي ان تنزليه بموضوع مستقل وان شاء الله البنات يفيدوكي بمعلومات اكثر
كتبت بواسطة اليلاس 
انا ابني عمرة سنتين و6 شهور ولاطش بيه تكرمون حتى على الحمام يقعد يبكي على الباب الى ان اطلع
امي عانت نفس الشي عندما كانو اخوتي صغار كان عددهم 3 بأعمار متقاربة تخيلي كانت تمشي وتروح وال3 وراءها وكأنها دجاجة وافراخها
مثل القطار الكل يقوم والكل يقعد والكل راضي
استخدمي اسلوب التطنيش اعملي نفسك ولا شايفة وخليه
بالنسبة لرفضه الذهاب الى المدرسة هذا دلع في دلع ولمعالجة هالموضوع محتاج حكي كثير حاولي ان تنزليه بموضوع مستقل وان شاء الله البنات يفيدوكي بمعلومات اكثر
مشكورة يا قلبي وماقصرتي
يبغالي اجرب معاه اسلوب التطنيش انشاء الله ينفع
وزي ماقلتي حتى الحمام الله يكرمك يجلس يلعب بسياراته عند الباب بره الحمام يستناني اخرج ولمن اخرج الاقي السيارات كلها مركونه عندي
الله يعين بس
جزاك الله خيرا