سمك السالمون من اغنى الاسماك بالفوائد والذها طعما .. حبيت اشارككم بوصفة غير شرقية يعنى بعيد عن البصل والتوم والبهارات ههههههه
طبعا كلنا بنحبهم لكن اكيد محتاجين نريح من وقت للتانى .. كمان فى ناس ماتقدرش تاكلهم لظروف مرضية .. ربنا يشفى مرضى المسلمين جميعا ..
اسيبكو بقى مع الوصفة الخفيفة دى ..
المقادير :
شرائح سالمون فيليه بالجلد حسب عدد الاشخاص
مقدار من صوص البيستو
صوص البيستو ممكن تشتريه جاهز .. لكن ان كنتى من هواة تحضير الصوص بالبيت زى حالاتى ..
مقادير البيستو صوص:
كوب اوراق ريحان مغسولة "Basil"
100 جم صنوبر"Pine nut"
ملعقتين جبنة بارميزان مبشورة
(انا معنديش بارميزان حلال لذلك استخدمت الجبنة الرومى المبشورة بدلا منها )
رشة ملح خفيفة
ربع كوب زيت زيتون بكر
اولا نجيب الصنوبر ونحمسه على خفيف
وده الريحان للى ماتعرفش شكله .. هنغسله ونقطف الاوراق فقط
اوراقه ناعمة جدااا
ملعقتين كبار جبنة "خدو بالكو الرومى احدق من الباراميزان.. عشان ماتزوديش الملح
ونحطه كله على بعضه فى الكبة ونخلط على السرعة الهادية
ودى نتيجته النهائية
طبعا ممكن لو تشتريه تلاقيه اخضر خالص لانهم بيكونو مقللين الصنوبر .. لكن انا باحبه 
نجيب صينية او طاسة لا تلتصق ونضع فيها شرائح السالمون ونرشها فلفل على خفيف جدا
نضع صوص البيستو ونوزعه كويس من فوق
نسويه على نار متوسطة لمده 10-15 دقيقة .. حسب ذوقك فى النضج
ويمكن اضافة بعض قطرات زيت زيتون لو تحبى
الطاسة مانعة الالتصاق الجيدة اساسية حتى لا ينتزع الجلد ويلتصق بها
النتيجة …
طبعا زمانكو بتسألو ايه الشوربة الخضرا دى ….
هتلاقوها فى الرابط ده
شوربة البسلة والنعناع .. ملف فوائد وخضروات
دمتم بحب
اموووووت فى السمك وخصوصا السالمون
و يا سلام لو ايديكى الحلوة
اممممممممم
جنااااااااااااااااااااااان
تسلم ايديكى الحلوة يا قمر
و الف هنا
الطبق راح ينطق من جماله
وانا باعشق البيستو
بس علشان الصنوبر غالي باعمله بالجوز (عين جمل) وبيمشي الحال
صحة وعافية يا قمر
وربنا يفرجها عليكِ من واسع
اللي بعدي تقول آمين
طيب انتى الحقيقة افادتينى افادة راااائعة
طيب لو فيها رخامة .. عندك فكرة عن بديل لاوراق الريحان ؟؟؟
اعتقد انه مش متوفر بمصر !!
تسلم ايدك
بسم الله ما شاء الله
أول مرة أعرف طريقة صوص البيستو
و بصرااااااحة السمك : يبدو راااائع و شهي جدآ جدآ جدآ
و الطريقة مشجعة للتطبيق
و اللون الأخضر : لوحده بيعطي للسمك منظر جميل يزيد من روعته
مشكووووورة غاليتي على الطبق الراااائع
مأكول الهناء و العافية