مرحبا صبايا هادى السلطة إسمها مريسة أول أكلة علمنى إياها جدى الله يرحمه
المقادير
-قرصين كشك وأعنى هنا الكشك الأبيض الناعم ويكون أملس مختلف عن كشك الطبخ لأنه كشك الطبخ يكون خشن بسبب حبات القمح المجروش(إن شاء الله راح أجيبلكم طريقته بس أسأل عنها)
-عين جرادة ناشفة (اللى هى بذور الشبت)-يمكن كذلك إضافة الجرادة الخضرة بتكون طيبة كتير
-قرن فلفل حار
-ثلاث حبات بندورة
-زيت زيتون
الطريقة
ندق الفلفل والجرادة والثوم فى الزبدية ثم ندق الكشك ثم نقطع البندورة فوقهم وندقهم
نضع زيت الزيتون ومع رغيفين خبز بلدى وكاسة شاى تحت الزيتونة أو فى البلكونة وصحتين..
ويلا يا بنات فلسطين اللى بتعرفها تقول طريقتها علشان نستفيد
جبل النور
ومنكم نستفييد
اول مره اسمع عنها
وعلى الاصح اول مره اعرف في كشك ناعم
كل يل بعرفه اقراص الكشك العادي يل فيها حب حمص وحب قمح مجروش ولبن اعتقد
بس بودر ماسمعت عنها
وطريقتك مبين عليها لزيزه
احنا ساعات بنحط للدقه نفسها معلقه طحينه وليمون معقول يكون نفس الطعم؟
مش رح نجربها والسبب معروف وين نلقي الكشك البودر؟
يسلمو ايديكِ
الكشك مش بودرة هذا هو بيكون أقراص قد المشمشة وسطحه ناعم أملس مش ناعم يعنى بودرة
هذا هو برضه بينعمل من الطحين واللبن الزبادى وبينخلط معاهم دقة فلفل ناشف حر وجرادة ناشفة وبنتركه يروب مع بعض بعدين بتقرص وينحط بالشمس لينشف بيجنن طعمه وإن شاء الله راح أجيب مقاديره وطريقته لما ألاقيها
سلام
ياه شو مشتهية قرص شنكليش…
عموما إذا أنا ما جبتلك فيه فى سوق الزاوية عند العطارين اشتري اوقية وصحتين على قلبك
بتعرفي انا رديت عليك اول وحدة
بس النت فصل فالرد ما وصلك
على كل اليوم نازلة السوق واكيد راح اشتري ربع وقية (بخل مش اكثر)
بدك شنكليش من عيوني بس اعمل..
تكرمي.
بس ما بعرف انو بنعمل سلطة
بنجرب وبنشوف الطعمة
تسلم ايديك يارب اختي
البخل صنعة يا اختى بدنا نشترى سيارة من وين يعنى
سنووايت جربيه مفيد علشانك وعلشان البيبى ،،، الله يقومك بالسلامة