**سلطة كرات البطاطا المقلية من ابريكه 2024.

اقدم لكم هذة السلطة
واتمنى تعتمدوها في عزايمكم
المكونات
حبتين بطاطا نية مبشورة حوالي ملعقتين دقيق
قليل من البصل الاخضر المفروم
بيضة ملح فلفل اسود
تخلط مع بعض وتشكل دوائر وتقلى بالزيت بحيث يكون لونها اكثر من الذهبي
ملاحظة
الزيت يكون اقل من زيت قلى البطاطا العادية
وهذة صورة خلطة البطاطا

السائل اللي بالصحن هو البيض
لما تبدي في تشكيل الكور اكبسي شوي عالكور حتي ينزل شوي من السائل
نأخذ صحن التقديم
نقطع بقدونس شبة مفروم وفلفل رومي مقطع مكعبات
وحوالي نصف كوب برغل منقع
وان لم يتوفر عندك
بديلة الكسكسي الليبي
تخلط مع بعض وتوضع في صحن التقديم ونضع عليها كرات البطاطا
<<الصلصة>>
علبة زبادي نصف ملعقة كركم نصف ملعقة كمون رشة سكر
تخلط مع بعض
ونضعها علي الكرات
جداً طعمها ولونها روعة


وهذا الطبق أُعجبت به كيتي فعملتلة حركة أضاءة بالفوتشوب
تعالي يا كيتي خوذي طبقك

لا تنسونا من دعواتكم الطيبة

يخزا الجوع
سامحيني هههههههههههههه
نزلتها بوقت يجوع
تسلميلي بسومة لا عدمتك ولا عدمت ردودك الطيبة

روعة ياابريكة
مبدعة ماشاء الله
يسلمو ايديك
الحلوين
جاري التطبيق

سلمها مكانة وين
جربيها قبل ما تجيبي بيش ما تقعد في خاطرك
هههههههههههههه
ان شاء الله ربي يخلصك بالسلامة
ربي يجبر بخاطرك ان شاء الله

ماشاء الله
تستحق التجريب —-

تسلم الايادى برووووووووكه

اليوم مش عارفة كيف اندير من الفرحة
بطلت ميمي عليه
بالله شنو يجي جنب ابدعااااااااااااااااااااااتك
خوذية الصحن غير تعاااااااااااااااااااااااااااااااااااااالي
وما اطوليش الغيبة
والله فرحانة ما نقدر نوصف فرحتي بردودك اليوم
الله يجبر بخاطرك ميمي
ويسهل عليك امورك يااااااااااااااااااااااااااارب

يالله ارنوسة
بانتظار تطبيقك
مشكورة يالغالية

ما شاء الله يا بريكة
تسلم ايديك يا غاليه
والصورة هدي حلوة جاتك بروفيشونال