السلام عليكم ورحمة الله وبركاته
كيف الحال يالغاليات …….مره زوجي انعزم عند واحد من ربعه وكان من الاشياء الموجوده سمك الميد المشوي ويتهبل منه …..والصراحه كان ودي اني اسويه له بس مااعرف الطريقه وهل يصلح على شواية الباربكيو الكهربائيه ولا لازم فحم.
لاتبخلون علي بردودكم 
تحياتي
ضربتي على الوتر الحساس لأني بكرة ناوية اشوي ميد للغذا .
حبيبتي :
شوي السمك مايحتاج لا شواية ولا فحم , يبيله مقلى حديد ثقيل شوي وبس .
– الميد اذا بطنه نظيف ما يحتاج حتى شيل وتنظيف بطن واذا سمين تعالي تحلي عليه .
جريتي لي ريقي . 
– يحتاج فقط تنظيف وغسيل زين واذا في بطنه رمل افتحي البطن ونظفيه .
– ملحيه زين واذا حبيتي عصري عليه شوية ليمون .
– افتحي النار على المقلى ( مو تيفال زي ما قلت لك حديد ) واتكية لحد ما يحمى عدل , يعني يوصل شوي – شوي مو واجد – انه يدخن .
– بعدها وطي النار على المقلى وضعي الميدات .
في هذه الأثناء اضغطي عليه قليلاً بالملحقة الحديد المسطحة حتى ينشوي من جميع جوانبه ولا تكون جهة مشوية وجهة بيضاء .
اذا استوى جانب يعني صار اللون اسود في معظم السمكة اقلبيها على الجهة الأخري .ويمكن اذا كنتِ تحبين بطن الميد وهو لذيذ جدا ً . اذا حبيتيه مقرمش
اقلبي السمكة علة جانب بطنها حتي يتحمر قليلاً .
– الى هنا انتهى شوي الميد شيليه من المقلى وعلى طول غطيه بقصدير هذا – بالنسبة لي يعطيه طعم لذيذ جداً –
ملاحظات مهمة :-
هناك شي مهم , اذا كان عندش حوش فالأفضل انك تشوين فالحوش لأن الريحة مارح تروح من البيت الا بعد اسبوع – ابالغ –
ملاحظة ثانية اشلون بتشوين وانتي سمو الأميرة
بالهناء والف عافية عليك .
اختك
احاسيس
السلام عليكم ورحمة الله وبركاته
الصراحه تسلمين على هالرد السريع والشرح الرائع بس بغيت كذا توظيح
يالغاليه شنو قصدك بمقله حديد انا عندي مقلت الجباتي اللي مسطحه ودائريه ماادري هذا هو الشي اللي تقصدينه؟؟؟؟؟؟؟
طيب اذا غطيته مايطلع طري يعني تروح قرمشته وهل اغسله بعد الملح والليمون ولا اشويه وهو فيه لاني انا لماابي اسوي الزبيدي املحه وبعدين اغسله عنه.
طيب ماراح تلزق السمكه في المقلاه وتقريبا كم يبيلها علشان تستوي؟؟
وخوووووووش ملاحضه على سالفة سموالاميره ومت من الظحك 
اتمنى اني ماغثيتك بكثر اسالتي
تحياتي للجميع
احنا في الخدمة .
عزيزتي اقصد بمقلاة حديد يعني مش تيفال , يعني من النوع العادي , انا استخدم مقلاة ممتازة صناعة مصرية و قاعدتها ثقيلة , اي نوع يوفي الغرض ويمكن فيه ناس يستعملون التيفال انا بالنسبة لي ماجربت ولا سمعت احد يسوي فيها .
وبعدين بيني وبينج اهلنا لحد الحين يستخدمون لصحون الحديد العميقة ويشون فيها .
يعني مقله الجباتي ما يصلح لشوي السمك خليه للخبز ابرك
اما بالنسبة لليمون والملح انا عادي اشوي على طول وما احتاج اني اغسله مرة ثانية , لكن هذا اختياري يمكنك وضع الليمون او الإستغناء عنه .
– انا اقولج بالنسبة لتغطية السمك المسألة مسألة ذوق ليس الا , يعني على راحتج .
اتصدقين اني مرة شفت زميلتي شوت الميد وعلى طول حطته في كيس بلاستيك , واحنا الخبلان اكلناه وكان الذ ما يمكن .
كنا في وقتها ما نعي اخطار المواد البلاستيكية على الأكل الساخن .
– اما بالنسبة هل سوف تلتصق السمكة في المقله او لا : سوف تلاحظين انها لن تلتصق بالرغم ان المقله ماهي تيفال , شي المطلوب انج تتركيها ( اي السمكة ) لحد ما يصبح لون الجلد اسود تقريباً في جميع جوانبه عندها اقلبي السمكة , وكرري نفس العملية على الجانب الأخر .
ما يوجد وقت محدد لإستوا السمكة يعتمد على حرارة الفرن .
وبعدين النار خليها اقرب الى العلو قليلا يعني لا تبالغي جداً بحيث تخليه يحترق ولا تخفضيه جداً .
اذا كان السمك كبير و مربرب 
يحتاج شوي في بداية الشوي انج تخفضي على النار وبعدها ارفعي عليها حتى ينشوي كويس .
ملاحظة :
سوف تلاحظين تصاعد ابخرة كثيرة ودخان , لا تخافي فهذا دليل على ان الميد سمين , وانتوا مشهورين يا أهل الكويت بالميد الزين والسمين .
اهم شي مو تتركين السمج يحترق وتقولين هذا بسبب ان السمج سمين
اي سؤال انا بالخدمة اختي
وبشرينا بالعلوم السنعة .
دمتي
احاسيس
تسلمين يالغاليه على هالتعب …..والله مدري شقول ادري انك زهقتي من اسالتي بس السموووووووووحه ترى اختك حييييييل ذكيه
يالغاليه لحد الحين مافهمت قصدك في سالفت المقلاه قصدك المقلاه الالمينيوم ياااااااربي والله ماعرفته sid
تكفين علميني واذا عندك صوره حطيها يمكن اختك الذكيه تعرفها……والله اني كرهت السواه من المقلاه .
عشمي فيك كبييييييييييير .
تحياتي ياالغاليه 
هذي بعض الصور لمجموعة من المقالي :
وهذا ايضاً
[IMG][http://www.creativecookware.com/images/mauviel%20copper%20Ovskillellarge.jpg[/IMG]
أختي سمو الأميرة السلام عليكم ورحمة الله أنا وزوجي وبنتي من عشاق سمك الميد أحياناً أعمله مشوي وهذي طريقته : طبعاً يغسل بالطريقة الإعتيادية وبعدين أبهرة بالفلفل الأسود المطحون والبزار الخاص بالسمك والبهارات والكركم بس مو تحطين وايد لإنه مشوي ومثل ما قالت لج الأخت نترك المشواة وأنا اللي أستعملها دائرية ألمنيوم وأترك المشوى يحمى على النار شوي وبعدين أوطي النار وأصف السمك وأقلب على حسب النظج وأحطه بالقصدير وأحياناً أقليه بعد ما تبهرينه طبغاً بس أنا أحشي بطنه بخلطه مكونة من الثوم المدقوق والكزبرة والشبت والفلفل الأسود المطحون والملح وأقليه وبالعافية وإذا تبين أسويه لج وأدزة بعد أنا حاضرة والأفضل تيين عندي بالبيت وأعمله لج
وتشكري على الإضافات
الظاهر ان سمو الأميرة مسافرة لأنها من زمان ما شفنا لها ردود .
تدرين الناس الصيف والناس لاهية في السفر .
مابقى الا >>>>>>>>>
مشكورة أختي على الرد وأنتي الصح ما بقى إلا أحنا ما رحنا مكان وخصوصاً أني توني نازلة بيتي اليديد ومعوضتها في برك السباحة sid