بسم الله الرحمن الرحيم
أخواتي الاعزاء
النهاردة أحب اقدم لكم شاورما لحم و دجاج من مطبخي الخاص
و طريقتي الخاصة جدا و يا رب تعجبكم
و نبدأ بالمقادير
1 كيلو لحم بقري بتاع البوفتيك او اي حتة ناعمة تانية بتفضليها و تكوني مقطاها شرائح رفيعة
فلفل مقطع جوانح الوان
نصف كوب من الطحينة
نصف فنجال خل
ملح و فلفل اسود و نصف ملعفة كبابة صيني
ملعقة كبيرة مستردة
توابل متنوعة على حسب الرغبة
ملح صيني ملعقة صغيرة
قطعة من لية الخاروف
بصل مقطع جوانح رقيقة
خبز لبناني او عيش الصاج اللي بتفضلية و انا هنا استخدمت عيش الصاج
قطعة كابوتشا < الخس الصيني >
الطريقة
ضعي كل المكونات على اللحم و تبلية قبلها بيوم و اتركي البصل و الفلفل ليوم التسوية
و كمان لية الخاروف ها تقطعي قطع صغيرة منها و تسيبي الباقي لتاني يوم
اليوم التاني بتبدأي تحطي اللحمة على النار عشان تستوي و تضيفي لها الماء تدريجيا
حتى تنضج و قبل ما تطفي عليها بربع ساعة ها تضيفي البصل و الفلفل و بعد لما
تطفي النار تجيبي الليلة اللي عندك و تسيحيها و تضيفيها على الشاورما
بعد كدو ممكن تفحميها و دي خطوة اختيارية انا كنت بجربها و دي بتحصل انك تحطي طبق صفير او
فنجال و فية زيت في حلة الشاورما و تحطي فية جمرة مولعة و تغطي الحلة بالغطاء عشان اللحمة
تكتسب طعم الفحم و كأنها مشوية على الفحم
و بعد كدة تلفيها في الساندويتشات مع الكابوتشا و المايونيز و لو حبيتي اي أضافات تانية
و ممكن تحطي معاها بطاطس محمرة بردو براحتك
و شكلها كدة معليش انا كان عندي حفلة فأختصرت الخطوات
و بعد كدة شاورما الفراخ
المقادير
صدور فراخ مقطعة شرائح رفيعة
ليمون و خدو بالكم ان الفراخ بتحب الليمون
زبادي علبة
بابريكا ملعقة
بصل و فلفل الوان بردو
ملح و فلفل اسود و بهارات اللي بتفضليها و شوية ماستردة
صوص صويا و ملح صيني و سماق
و قطعة بردو من لية الخاروف
الطريقة
بتخلطي صدور الفراخ مع الملح و الفلفل و البهارات و البصل و الليمون و البابريكا و الزبادي و صوص الصويا و
الملح الصيني و الزبادي و السماق و تخليها متتبلة قبلها بيوم
تاني يوم بحطها في صينية مع شوية زيت و اقفل عليها بالقصدير و أحطها في الفرن ساعة و بعد كدة اشيل
الفويل و أضيف الفلفل الملون و أسيبها لما تتشرب كويس و ممكن تولعي عليها الشواية عشان تحمريها
شوية على حسب الدرجة اللي بتفضليها و بعد كدو تسيحي اللية و تضيفيها للفراخ و تبدأي ترصيها في
السانداويتشات و تضيفي لها الكابوتشا و المايونيز أو الثومية و البطاطس و مخلل الخيار و تقدميها بالهنا و العافية
و بالهنا و الشفا و ها أديكو طريقة عيش الصاج في الرد الجاي
تسلم ايدك شكلها تحفه
بالهنا والعافيه
2 كوب دقيق ابيض
1 كوب دقيق اسمر او بر
ملح و نصف ملعقة كبيرة خميرة و ملعقة سكر
1 كوب ماء
الطريقة
أعجني المقادير كلها مع بعض و بعد كدة رش سطح بالدقيق و كوري علية العجين كور متوسطة
و غطيها و سيبيها تخمر
و دي صورة قبل التخمير
و دي صورة بعد التخمير
و بعد كدة رشي سطح بالدقيق و افردي علية الكورة
و جيبي بعد كدة صاجة او طاسة تيفال الموجود عندك و أمسحيها خفيف بالزيت و حطي عليها العجينة
و لما تحسي انها استوت و مسكت نفسها اقلبيها على الوش التاني و بعد لما تشيليها من على النار
حطيها على طول في كيس محكم الغلق عشان يفضل طري
كتبت بواسطة shamosaa 
تسلم ايدك شكلها تحفه
بالهنا والعافيه
الله يهنيكي يا قمر و شكرا على زيارتك للموضوع
شهيتيني وانا عايزة اناااااااااااااااااااااااااام
فغااااااااااية اروووووووووووووعة تسلم الايادي غلاتي
ساندويتشات شاورما روعة و تفتح النفس
تسلم دياتك و يعطيكي العافية و صحتين عليكم يا رب
و إن شاء الله أطبق طريقتك
وتسلم الايادى الجميلة
والف هنا وعافية على قلوبكم يارب
تسلم ايدك
الجمبله والخبز الشهى
جزاك الله خبرا